Al’adun aure masu ban mamaki na wasu kasashe

Al’adun aure masu ban mamaki na wasu kasashe

Ga wasu al’adu da ake yi a wasu kasashe yayin bikin aure masu ban mamaki da kuma ban haushi.

Al’adun aure masu ban mamaki na wasu kasashe
'Yan matan kabilar Masai

Mayar da baki ya koma fari

A al’adar yankin Scotland na kasar Britaniya ango da amarya ake yiwa wanka da tarkacen ragowar abincin har sai koma bakake.

Rawa da Amarya ko Ango sai an biya

A kasar Poland a shagalin biki, amarya da ango ba sa rawa da kowa sai wanda ya biya, kudin da aka tara kuwa, ba na mawaki ba ne, na ma’auratan ne, su je su huce gajiya.

Auren Dabba

A kasar India sun yarda da auren dabba domin korar bakin aljani musamman idan mace mummuna ce, a bisa al’adarsu sai ta auri kare ko biri ko akuya domin korar aljanin da ke tare da ita. Sai dai, amaryar ba ta tarawa da dabbar.

Al’adun aure masu ban mamaki na wasu kasashe
kayan lefe a wasu al'adun aure har da mushen aladu

Satar amarya

A kasar Kyrgystan idan kana son mace sai ka sace ta ka kai gida wajen iyayenka, ba za su sake ta ba har sai ta yarda za ta aureka.

Daukar Amarya a kafada

Al’adar gargajiya ta Turai, Ango saba amayar ya ke yi a kafadarsa daga inda aka daura aure har kofar gidansa.

Al’adun aure masu ban mamaki na wasu kasashe
Amarya na sa wa angonta takalmi

Bude kofa

A kasar Malawi wani kato a ke samu ya kwana da wacce za a aurar da sunan bude kofa. Iyayenta kuma su biya.

Tofi a kan amarya

A kabilar Masai a Kenya, amarya aske mata kai ake yi, sannan a shafe mata shi da kitsen tunkiya, mahaifinta kuma ya tofe kan da kuma kirjinta da yawu don samu albarka.

 

Asali: Legit.ng

Online view pixel