Labarai

Zafin kishi: Mace Mai ciki ta kone kanta

Talata, Agusta 16, 2016 at 4:06 Yamma daga Mudathir Ishaq 2 - tsawon mintuna

Kishi kumallon mata amma abin da wata mata mai ciki ta aikata, in ji masu iya magana, ya wuce min sharri, ya kai matuka a tsananin kishi, a cewar masu lura da al’amura.

Wata mai dauke da tsohon ciki, Cynthia Njoki a kasar Kenya ta cinnawa kanta wuta ne a bisa zargin bin mata da ta ke yiwa mijinta.

Zafin kishi: Mace Mai ciki ta kone kanta — Cynthia na karbar magani a asibiti

Rahotan da aka nuna a wani gidan Talbijin a kasar Kenya KTN, na cewa mai ciki Cynthia, ta dau wannan mataki ne bayan da maigidanta ya kasa bayyana mata inda ya kwana a ranar Lahadin 13 ga watan Agusta a wata unguwar marasa galihu da ake kira Langa-langa a kasar.

A hirar da aka yi da mahaifiyar mai cikin da ta yi wannan danyen aiki Mary Wangui, Cynthia ta ce yi ta kiran wayar mijin ne a inda wata ta dauka ta kuma ce suna tare a lokacin, jin hakan ya sa ta ta garazaya ta samo kanazir ta zuba a jiknta ta kuma kyasta ashana.

ta ma’aikaciyar asibitin da aka kai matar, Jenefer Methenge, a yi hirar da aka yi a rahoton, ta ce an kawo Cynthian ranga-ranga ne a asibitin a inda kuma suka yi abin da ya kamata su yi mata na magani, domin kunar ta kai kashi 45 a jikinta, sai dai ba a sani ba ko jarrin da ta ke dauke da dan wata 6 zai rayu.

Mijin matar mai sana ar kanikanci wanda kuma ba a bayyana sunansa ba, yaki ya ce komai saboda kaduwa dangane faruwar lamarin a cewar rahoton.

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng