Dan shekaru 48 ya rasu bayan lashe gasar shan giya

Wani mutum mai shekaru 48 dake zaune a yankin Kamudili, a gabashin kasar Uganda ya mutu a ranar lahadi 7 ga watan agusta bayan ya lashe gasar shan giya a ranar Asabar.

Jaridar Edaily ta ruwaito an tsinci gawar mamacin ne a gefen hanya kusa da mahadar da aka gudanar da gasar. A cewar majiyar gani da ido, mutumin ya rasu ne bayan ya sha giya da ta wuce misali a yayin gasar.

Mutumin ya sha giya ne da ta mai katutu a cikin kokarinsa na cinye gasar ba tare da ya lura da illar abin ba. Jama’an garin sun koka da yawan mutuwar dake afkuwa daga illar shan giya. A wani labarin kuma, shugaban kasar Tanzania John Magufuli ya sallami minstan al’amuran cikin gida na kasar Charles Kitwanga akan laifin zuwa majalisa cikin maye. Kamar yadda mai magana da yawun shugaban kasar ya fadi yace, an sallami Kitwanga ne saboda rashin da’a. sallamar nasa ya biyo ne bayan ya mika kasafin kudin ma’aikatan sa kenan na shekarar 2016/2017.

Asali: Legit.ng