Ku bar Mata Musulmi su sanya Hijabi - Fafaroma

Fafaroma Farncis, shugaban Kiristoci mabiya darikar Katolika na duniya, yayi kira ga mahukunta na kasar Faransa dasu bar mata Musulmi su sanya Hijabi kamar yadda Mata Kirista ke sanya Kuross da abubuwan da suka ga dama.

Fafaroma ya bayyana wannan ne bayan takunkumin da kasar ta sanya akan sanya Hijabi a cikin mutane. Wasu Bidiyoyi da suka fito kwanakin baya na nuna yadda yan sandan kasar ke musguna ma Mata musulmi idan suka fito da Hijabin su.

Fafaroma Francis ya kuma yi Allah wadai da batun gina katanka domin hana bakin haure shiga wasu kasashe kamar su Amurka. Fafaroma kuma ya soki kudin dan takarar shugabancin kasar Amurka, Donald Trump akan sanya kasar Mexico ta gina katanga domin hana mutanen kasar daga shigowa kasar Amurka din idan yayi nasarar lashe zaben.

Asali: Legit.ng