Ana cakwakiya: Kotu ta hana EFCC takardar izinin cafke Diezani Alison-Madueke
- Babbar kotun gwamnatin tarayya da ke Abuja, ta ki amince da bukatar hukumar EFCC na ba da izinin cafke Diezani Alison-Madueke
- An dage sauraron karar har zuwa ranar 3 ga watan Disamba 2020, domin tattara hujjoji tare da gurfanar da wacce ake karar gaban kotu
- EFCC ta maka tsohuwar ministar albarkatun man fetur a kotu ne akan zarginta da ba hukumar INEC cin hancin N362m don yin magudi a zaben 2015
Wata babbar kotun gwamnatin tarayya da ke Abuja ta hana takardar amincewa hukumar EFCC izinin cafke Diezani Alison-Madueke, tsohuwar ministar albarkatun man fetur.
Ijeoma Ojukwu, mai shari'ar, ta ki amincewa da bukatar EFCC ne saboda gazawar hukumar na gabatarwa kotun shaidar kotu na kiranye ga ministar a baya.
Ta ce ya zama wajibi a gabatarwa kotu takardar shaidar goron gayyatar kotu ga tsohuwar ministar, kafin kotun ta amince ta bayar da izinin cafke Alison-Madueke.
KARANTA WANNAN: Muna rokon a ba Kudu maso Gabas shugabancin kasa a 2023- Gwamna Umahi
Asali: Twitter
Mai shari'ar ta ce, bayar da takardar goron gayyata ga mutum, ba takardar banza bace, dole EFCC ta gabatar da makamanciyar takardar da kotun ta aikawa Alison.
Hukumar EFCC ta shaidawa kotun cewa ofishin Antoni Janar na kasa da ma'aikatar shari'a na bbukatar izinin cafke tsohuwar ministar ne, don samun damar dawowa da ita kasar.
"Tuni na bi diddigin bukatar mai shigar da karar. Umurnin kotu na farko da ta bayar ya ci karo ne da sashe na 831 na dokar ACJA," a cewar mai shari'ar.
"Ya zama nawa nazarin cewa takardun goron gayyatar da muka aikawa wacce ake tuhumar zai taimaka wajen zama hujja ga ofishin AGF.
"A yau, wacce ake tuhumar ba ta cikin kotu kuma ba a bayar da dalili ba. An sanar da ni cewa, ana da yakinin cewa, wacce ake tuhumar yanzu haka tana kasar Burtaniya.
"Haka zalika, muna da rahoton cewa yunkurin hukuncin kan mai laifin ya ci tura sakamakon rashin kasancewar izinin cafke wacce ake zargi.
"Amma idan haka ne, ya kamata bangaren da ke kara su mika bukatar neman izinin tare da hujjoji daga ofishin Antoni na kasa.
"Da wannan, na ke ba ku lokaci domin ganin cewa kun aikata komai akan doka da oda."
KARANTA WANNAN: Gwamnati ta lissafa muhimman wurare 22 da mabarnata suka lalata
Ojukwu a baya, ta yi barazanar watsar da wannan kara, ma damar ita wacce ake karar ta ci gaba da kin bayyana a gaban kotun.
A ranar 24 ga watan Yuni, ta bayar da takardar goron gayyata ga tsohuwar ministar, domin fara sauraron karar da aka shigar a kanta a ranar 28 ga watan Oktoba 2020.
Sai dai, a ranar da aka dawo ci gaba da sauraron wannan shari'ar, Diezani ba ta halarci zaman kotun ba.
An dage sauraron karar har zuwa ranar 3 ga watan Disamba 2020, domin tattara hujjoji tare da gurfanar da wacce ake karar gaban kotu
A wani labarin, Gwamnatin jihar Kaduna ta fara bi gida gida domin gano kayayyakin tallafin COVID-19 da aka sace a dakin ajiyar kayan da ke wasu garuruwa na jihar.
Rundunar 'yan sanda tare da sauran jami'an tsaro ne za su fara wannan atisayen binciken gida gida don gano kayan tare da cafke wadanda aka kama da laifin satar su.
Domin sauke manhajar labaran Legit.ng a wayar ku ta hannu, latsa wannan rubutu na kasa: https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari, Tuntube mu a: labaranhausa@corp.legit.ng
Asali: Legit.ng
