Labarai

Jihohi 10 da suka fi kowanne yawan mutane masu cutar korona a Najeriya

Litinin, Yuni 29, 2020 at 7:34 Yamma daga Mudathir Ishaq 2 - tsawon mintuna

Duk da fadi-tashin da mahukuntan lafiya ke ci gaba da yi babu dare babu rana, cutar korona na ci gaba da bazuwa tamkar wutar daji a Najeriya da sauran sassa na duniya.

A halin yanzu dai, alkaluman Hukumar Dakile Cututtuka masu yaduwa a Najeriya NCDC sun tabbatar da cewa, cutar korona ta harbi mutum 24,567 cikin duk jihohin da ta bulla a kasar.

Sai dai yadda cutar ta ke yaduwa a kasar ya sha ban-ban a tsakanin jihohin da ta bulla.

A yayin da wasu jihohin na da tulin mutane da cutar ta harba, wasu kuwa mutane 'yan kalilan ne suka kamu da ita a cikinsu.

Shugaban Hukumar NCDC na Najeriya; Chikwe Ihekweazu
Asali: Twitter

Har ila yau dai jihar Cross River ce kadai ba a samu bullar cutar ba a duk fadin kasar, sai da masu ruwa da tsaki sun ce rashin kayan aiki da karancin ma'aikatan lafiya ya yi tasiri a kan lamarin.

KARANTA KUMA: Afrika ta Kudu da kasashen Afrika 16 da suka fi kamuwa da cutar korona

Kididdigar alkaluman da NCDC ta fitar a ranar Lahadi, 28 ga watan Yuni, ta nuna cewa akwai mutum 14,995 da har yanzu su na dauke da kwayoyin cutar a fadin kasar nan.

Taskar bayanai ta hukumar ta sanar da cewa, an sallami mutum 9,007 daga cibiyoyin killace masu cutar da ke fadin kasar yayin da tuni mutum 565 suka riga mu gidan gaskiya.

Ga jerin jihohi 10 da mutane suka fi kamuwa da cutar a Najeriya:

1. Lagos - 10,144

2. Abuja - 1,792

3. Oyo - 1,306

4. Kano - 1,200

5. Rivers - 1,056

6. Edo - 962

7. Delta - 912

8. Ogun - 782

9. Kaduna - 703

10. Katsina - 549

Ga jerin jihohi 10 da mutane suka fi mutuwa sakamakon cutar a Najeriya:

1. Lagos - 126

2. Kano - 51

3. Ribas - 38

4. Edo - 35

5. Abuja - 32

6. Borno - 32

7. Delta - 22

8. Katsina - 22

9. Ondo - 19

10. Ogun - 18

Ga jerin jihohin da aka fi samun yawan mutanen da suka warle daga cutar:

1. Lagos - 1,592

2. Kano - 866

3. Ribas - 584

4. Abuja - 558

5. Ogun - 539

6. Oyo - 506

7. Bauchi - 439

8. Kaduna - 449

9. Borno - 418

10. Gombe - 346.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng