Labarai

Mayakan Boko Haram sun yi awon gaba da mace mai ciki da yaronta a jahar Yobe

Talata, Afirilu 21, 2020 at 10:04 Safiya daga Mudathir Ishaq 2 - tsawon mintuna

Mayakan kungiyar Boko Haram sun kai samame kauyen Buni Gari a jahar Yobe inda suka kashe wani matashi dan sa kai, suka tafi da wata mata mai dauke da juna biyu da yaron ta.

Daily Trust ta ruwaito yan ta’addan sun far ma kauyen ne dake cikin karamar hukumar Gujba inda suka kaddamar da harin mai kan uwa da wabi, har ma suka jikkata wani mazaunin garin.

KU KARANTA: Jami’an Yansanda sun kama kasurgumin Dan fashi a matattarar yan wiwi

Mayakan Boko Haram sun yi awon gaba da mace mai ciki da yaronta a jahar Yobe
Asali: Twitter

Shaidun gani da ido sun bayyana sunan matashin da yan ta’addan suka kashe a matsayin Kaukau Gada, kuma sun tsince shi ne a wajen garin kwance cikin jini washegarin harin.

Sun kara da cewa yan ta’addan sun banka wuta a wani sashi na makarantar firamarin kauyen da wani gida mallakin wani mutumi dake gudun hijira sakamakon hare haren Boko Haram.

Yan ta’adda sun kai harin ne da misalin karfe 5:10 na yamma a cikin motocin Hilux guda 14, sai dai matasa yan sa kai sun yi artabu dasu, amma suka tsere bayan yan ta’addan sun ci karfinsu.

Ana cikin haka sai dakarun rundunar Sojjin Najeriya suka musu kawanya a kasa, yayin da jiragen yaki suka dinga musu ruwan bamabamai, wanda hakan yayi sanadiyyar karkashe su.

A jawabin rundunar Sojan kasa, ta bayyana cewa ta kashe akalla yan ta’adda 105 a wannan hari, kamar yadda kwamandan shiyya ta 2, Birgediya Lawrence Araba ya bayyana.

Araba ya ce: “Biyo bayan harin da Sojojin shiyya ta 2 na Operation Lafiya Dole suka kai, rundunar Sojin ta tabbatar da kashe yan Boko Haram 105 a artabun da muka yi da su a Buni Gari.

“Mun samu wannan nasara ne sakamakon rahotannin sirri da muka samu wanda ya fallasa shirin da yan ta’addan suke yi na kai ma garin hari.” Inji shi.

Daga karshe Araba ya ce sun kwato bindigu 11, rediyon sadarwa da kuma wata mota mai jigida guda 1.

Ku biyo mu a https://facebook.com/legitnghausa

ko a http://twitter.com/legitnghausa

KU LATSA: Hanyar sauko da sabuwar manhajar jaridar Legit.com Hausa cikin sauki

Ga masu shawara ko korafi, a same mu a labaranhausa@corp.legit.com

Sanarwa na musamman: Shafin NAIJ Hausa ya koma Legit Hausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng