Labarai

Rundunar soji ta kwace miyagun makamai daga wajen 'yan bindiga a Agatu

Talata, Maris 24, 2020 at 5:25 Yamma daga Mudathir Ishaq 2 - tsawon mintuna

- An samu miyagun makamai masu tarin yawa daga garuruwa biyu na karamar hukumar Agatu da ke jihar Benue bayan jami'ai daga rundunar sojin Najeriya sun kai samame

- Rundunar Operation Whirl Stroke tare da hadin guiwar rundunar sojin saman Najeriya a tare da bataliya ta 72 ne a sa'o'in farko na ranar Litinin suka kai samame a garuruwan Odogoke da Odejo

- Onyeuko ya kara da cewa tuni dai komai ya koma daidai a yankin sannan tsaro ya dawo. Ya kara da cewa har yanzu dai sojin na sintiri a yankin don tabbatar da wanzuwar lumana da daidaituwa

An samu miyagun makamai masu tarin yawa daga garuruwa biyu na karamar hukumar Agatu da ke jihar Benue bayan jami'ai daga rundunar sojin Najeriya sun kai samame a ranar Litinin.

Mukaddashin daraktan yada labaran tsaro, Birgediya Janar Bernard Onyeuko a wata takarda ya ce, "Jami'an rundunar Operation Whirl Stroke tare da hadin guiwar rundunar sojin saman Najeriya a tare da bataliya ta 72 ne a sa'o'in farko na ranar Litinin suka kai samame a garuruwan Odogoke da Odejo na karamar hukumar Agatu ta jihar Benue bayan barnar da 'yan bindiga suka yi a ranar 23 ga watan Maris din 2020. A nan take kuwa 'yan bindigar suka tsere tare da barin yankin inda suka bar makamansu.

"Makaman da aka samu sun hada da bindiga mai carbi guda biyu, carbin harsashi guda hudu, bindiga kirar fiston daya da sauransu," takardar tace.

Rundunar soji ta kwace miyagun makamai daga wajen 'yan bindiga a Agatu
Asali: Facebook

KU KARANTA: Tashin hankali a fadar shugaban kasa bayan Gwamnan Bauchi ya killace kansa

Onyeuko ya kara da cewa tuni dai komai ya koma daidai a yankin sannan tsaro ya dawo. Ya kara da cewa har yanzu dai sojin na sintiri a yankin don tabbatar da wanzuwar lumana da daidaituwa a yankin.

Jaridar Daily Trust ta ruwaito cewa, a makon da ya gabata ne wasu garuruwa biyu a karamar hukumar Agatu din suka yi kare-jini, biri-jini a kan wani tafkin kiwon kifi ta yadda har mutane biyar suka rasa rayukansu.

Garuruwan masu suna Aila da Egba sun dau hukunci a hannunsu inda suka dinga fada da juna sannan daga baya suka dorawa sojojin laifin kashe fadan.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Domin sauke manhajar labaran Legit.ng a wayar ku ta hannu, latsa wannan rubutu na kasa:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng