Labarai

Karshen duniya: Asirin wani mutumi ya tonu bayan an kama shi ya kashe dan cikinsa saboda tsananin luwadi da yake da shi ta karfin tsiya

Alhamis, Oktoba 24, 2019 at 7:40 Safiya

By Mudathir Ishaq

2 - tsawon mintuna

- Asirin wani mutumi ya tonu bayan an kama shi ya kashe dan cikinsa saboda tsananin luwadi da yake da shi ta karfin tsiya

- An gano hakan ne bayan an garzaya da yaron asibiti, inda aka gano cewa duburar sa ta lalace baki daya

- Yanzu haka dai za a gurfanar da mutumin a gaban kotu domin yanke masa hukuncin kisa akan abinda ya aikata

Asirin wani mutumi dan shekara 25 a duniya mai suna Muchiri Derick ya tonu bayan 'yan sandan kasar Kenya sun kama shi da laifin yiwa dan shi mai watanni shida a duniya fyade har ta kai ga ya mutu.

Kwamishinan 'yan sanda na Tharaka-Nithi, Ms Opwora Beverly ta sanar da hakan a jiya Laraba 23 ga watan Oktobar nan, a lokacin da take magana da manema labarai a ofishin ta.

Ta bayyana cewa jaririn ya mutu ne bayan an garzaya da shi asibitin Mutunguni, inda iyayen nashi suka dauke shi domin duba lafiyar shi a safiyar ranar Litinin.

Sai dai likitoci sun bayyana cewa duburar jaririn ta lalac baki daya, hakan ya sanya suka sanar da 'yan sanda halin da ake ciki.

KU KARANTA: Kano ko da me ka zo an fika: An bude gidan sayar da abincin Naira 30 a jihar Kano

Daga baya kuma an gano cewa mahaifin jaririn ne yake luwadi da shi da har lamarin ya kai ga wannan matsayi.

A cewar kwamishinar 'yan sandan, wanda ake tuhumar dama can cikakken dan shaye-shaye ne, wanda ya sha taimakawa jami'an 'yan sanda wajen gabatar da binciken su.

A karshe ta bayyana cewa za a gurfanar da shi a gaban kotu domin a yanke masa hukunci.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng