Labarai

Za’a sha ruwa da tsawa a Najeriya a gobe Lahadi – Hukumar kula da hasashen yanayi

Asabar, Yuni 29, 2019 at 11:07 Yamma daga Mudathir Ishaq 2 - tsawon mintuna

Hukumar da ke kula da yanayin sararin samaniya na Najeriya (NiMET), tayi hasashen cewa za ayi tsawa da ruwan sama a yankin arewa maso gabas da yankuna da ke kewaye da teku, sannan kuma za a wayi gari da girgije a yawancin yankunan kasar a ranar Lahadi.

A hasashen hukumar NiMET na ranar Asabar a Abuja ta bayyana cewa girgije zai lullube jihohin da ke yankin tsakiya da kuma yiwuwar tsawa da safe.

Hukumar tayi hasashen tsawa a Abuja, Plateau, Kaduna, Benue, Yola, Jalingo da yankin Mambilla da yamma, inda ma’aunin ta ya bayyana cewa za a samu rana daga bisani a yakin Plateau.

A cewar NiMET, za a samu girgije a jihohin Arewa tare da alamun tsawa a Nguru, Damaturu, Bauchi, Kano da Katsina a sa’o’in safe.

Har ila yau NiMET tayi hasashen tsawa a Bauchi, Kano, Katsina da Nguru yayin da sauran yankuna zasu kasance cikin yanayin girgiji da yamma.

KU KARANTA KUMA: Rashin tsaro: Ba za mu yi kasa a gwiwa ba wajen kare mutanenmu – Buhari ga shugabannin ECOWAS

Daga karshe sanarwar hukumar ta bayyana cewa za’a samu matsakaicin ruwan sama a jahohin kudu masu yammacin kasarnan, tare da samun digiri 27 zuwa 32 na yanayi da rana, yayin da yanayin dare zai sauka tsakanin digiri 20 zuwa 23 a ma’aunin Celcius.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng