Labarai

Sayen gidan sauro na $16m asara ce a Najeriya - Aisha Buhari

Lahadi, Mayu 26, 2019 at 12:00 Yamma daga Mudathir Ishaq 2 - tsawon mintuna

Aisha Buhari, uwargidan shugaban kasa Muhammadu Buhari, ta kausasa harshe dangane da yadda gwamnatin tarayyar Najeriya ta batar da kimanin Dalar Amurka miliyan 16 wajen tanadar gidajen sauro a kasar nan.

Uwargidan shugaban kasa ta yi magana da kakkausar murya dangane da yadda gwamnatin Buhari ta batar da Dalar Amurka miliyan 16 wajen sayen gidajen sauro yayin wani taron karawa juna sani na Mata da aka gudanar cikin fadar shugaban kasa dake Abuja a ranar Asabar.

Kamar yadda jaridar The Nation ta ruwaito, Aisha Buhari ta ce shirye-shiryen bayar da tallafi da gwamnatin tarayya ta assassa da manufa ta inganta jin dadin rayuwar al'umma, SIP (Social Investment Programmes) ba ya da wani tasiri a yankin Arewacin kasar nan.

KARANTA KUMA: 'Yan bindiga sun yiwa 'dan kasuwa yankan rago a Ribas

Cikin jawaban ta, uwargidan shugaban kasa yayin bayar da shaidar masaniyar yadda gwamnatin Buhari ta batar da dalar Amurka miliyan 16 wajen sayen gidajen sauro, ta ce kawowa yanzu babu wanda ya ribaci wannan gidajen sauro musamman a mahaifar ta ta jihar Adamawa.

Duk da mika kokon barar ta da kuma shigar da bukatar neman nata kason na gidajen sauro domin aikewa al'ummar mahaifar ta, Aisha Buhari ta ce har ila yau lamarin ya zamto tamkar an aika Bawa garin su.

Sanarwa: Ku ci gaba da kasancewa tare da mu yayin da shafin Naij.com Hausa ya sauya suna zuwa Legit.ng Hausa

Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.android&pid=solomonovlink

Domin shawara ko bukatar bamu labari, tuntube mu a: labaranhausa@corp.legit.com

Ku biyo cikin shafukan mu na dandalan sada zumunta a Facebook ko kuma Twitter:

https://facebook.com/legitnghausa

https://twitter.com/legitnghausa

Ku fa'idantu da manhajar mu ta Azumi a wannan wata mai albarka a wannan shafi:

https://fb.gg/play/ramadan_ramadan

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng