Kana da labarin Matar da tafi kowacce mace arziki a duk fadin Najeriya?
Tabbas arziki na Allah ne, Ya kan baiwa duk wanda Yaso a lokacin daya so, kuma Ya hana duk wanda yaso ba don baya sonsa ba, don haka sai kaga a gida daya amma an samu wani talaka wani kuma attajiri, Ikon Allah mai duka kenan.
A yau Legit.ng ta kawo muku labarin hamshakiyar attajira kuma gawurtacciyar yar kasuwar Najeriya da tafi fice a harkar juya kudi wanda yasa ta zamto macen da tafi arziki a Najeriya, a wani kaulin ma a duk fadin Duniya babu mace bakar fata dake da arzikinta, Uwargida Funsho Alakija.
KU KARANTA: Gani ga wane: Fusatattun matasa sun kona wani dan fashi kurmus
Asali: Depositphotos
Ga dai wasu muhimman abubuwa game attajira Funsho Alakija kamar haka;
- An haifi Folorunsho Alakija a ranar 15 ga watan Yulin shekarar 1951
- Alakija yar kabilar Yarbawa ce daga jahar Legas
- Tsohuwar Tela ce, kuma har yanzu tana sana’ar dinki
- Ita ce shugabar kamfanin hakar danyen mai da sarrafa man fetir na FAMFA Oil
- Kamfanin FAMFA na samar da ganga 250,000 na danyen mai a duk rana
- Arzikin Alakija ya kai dala biliyan 1.6, kimanin naira biliyan 576 kenan
- Ita ce ta 1561 a jerin masu kudi biloniya na Duniya gaba daya
- Tana da jirgin yawo da kudinsa ya kai dala miliyan 46
- Tana da gidauniya dake tallafa ma mata, marayu da zawarawa
- Tana da Miji, Modupe Alakija, kuma suna da yaya guda hudu
A wani labari makamancin wannan kuma, a ranar Laraba, 10 ga watan Afrilu ne hamshakin attajirin nan dan asalin jahar Kano, kuma wanda yafi kowa kudi a nahiyar Afirka gaba daya, Aliko Dangote ya cika shekaru 61 a duniya.
Ku biyo mu a https://facebook.com/legitnghausa
ko a http://twitter.com/legitcomhausa
KU LATSA: Hanyar sauko da sabuwar manhajar jaridar Legit.com Hausa cikin sauki
Ga masu shawara ko korafi, a same mu a labaranhausa@corp.legit.com
Sanarwa na musamman: Shafin NAIJ Hausa ya koma Legit Hausa
Asali: Legit.ng
