'Yan Najeriya sun sayi katin wayar salula na N767.23bn cikin watanni uku - NCC
Wani sabon bincike da aka gudanar ya bayyana yadda al'ummar Najeriya masu amfani da wayoyin salula suka kashe Naira biliyan 767.23 wajen sayan katin waya a tsakanin watan Nuwamban 2018 zuwa Janairun 2019.
Domin gudanar da harkokin sadarwa na aika sakonni, kiran waya da kuma shiga yanar gizo, al'ummar Najeriya sun kashe kimanin Naira Biliyan 767.23 a tsakanin watan Nuwamban 2018 zuwa Janairun 2019 wajen sayan katin waya kamar yadda wani sabon bincike ya bayyana.
Kamfanin sadarwa na Najeriya NCC, Nigerian Communication Commission, shi ne ya gudanar da wannan bincike kan adadin al'ummar Najeriya masu mallakin layin waya mai rajista wajen amfani a wayoyin su sadarwa cikin watanni uku.
A watan Nuwamban 2018, binciken NCC ya bayyana yadda masu sayen katin waya domin shiga yanar gizo watau sayen Data suka kashe Naira miliyan 168.73 a layukan sadarwa na MTN, GLO, Airtel, da kuma 9Mobile.
A watan Dasumba kuma, al'ummar Najeriya sun batar da Naira Miliyan 172.63 wajen sayen Data yayin da adadi na masu mallakin layi na wayoyin sadarwa ya kai Miliyan 173.63 a watan Janairu na shekarar da muke ciki.
KARANTA KUMA: Ta'addanci da sayen kuri'u sun dabaibaye zaben cike gibi na gwamnan jihar Kano - EU
Yayin da sayen katin waya ya kasance kashin baya na samun kudaden shiga ga dukkanin kamfanonin sadarwar kasar nan, al'ummar Najeriya sun batar da Naira Biliyan 258.74 wajen sayen kati a watan Janairu na bana.
Sanarwa: Ku ci gaba da kasancewa tare da mu yayin da Shafin Naij.com Hausa ya sauya suna zuwa Legit.ng Hausa
Latsa wannan domin samun sabuwar manhajar labarai ta Legit.ng Hausa a wayarku ta hannu: https://play.google.com/store/apps/details?id=com.naij.hausa
Domin shawara ko bukatar bamu labari, tuntube mu a: labaranhausa@corp.legit.com
Ku biyo cikin shafukan mu na dandalan sada zumunta:
https://facebook.com/legitnghausa
https://twitter.com/legitnghausa
Asali: Legit.ng