Labarai

Mutane 10 sun mutu, 5 sun jikkata a sabon harin da aka kai Plateau

Alhamis, Disamba 27, 2018 at 3:54 Yamma

daga Mudathir Ishaq

2 - tsawon mintuna

- Mutane goma sun mutu yayinda wasu biyar suka jikkata a wasu sabbin hare-hare biyu da yan bindiga suka gudanar a karamar hukumar Barki Ladi da ke jihar Plateau

- An kashe mutane biyar a daren ranar Laraba, 26 ga watan Disamba yayinda suke bikin Kirsimeti a garin Rawuwu da ke karamar hukumar

- Sannan kuma sauran biyar din sun mutu bayan yan bindiga sun far masu a wani otel da ke Gwol washegarin ranar

Rahotanni da ke zuwa mana sun nuna cewa an tabbatar da mutuwar mutane goma yayinda wasu biyar suka jikkata a wasu sabbin hare-hare biyu da yan bindiga suka gudanar a karamar hukumar Barki Ladi da ke jihar Plateau.

Sabbin hare-haren na zuwa ne kasa da mako guda bayan an tura tawaga na musamman domin dawo da zaman lafiya a jihar bayan kwashe mutane 200 daga sansanin gudun hijira a Jos zuwa kauyukansu wanda suka bari a baya sakamakon yawan hare-hare day an bindiga ke kaiwa.

Mutane 10 sun mutu, 5 sun jikkata a sabon harin da aka kai Plateau
Asali: Depositphotos

Jaridar Punch ta ruwaito cewa an kashe mutane biyar a daren ranar Laraba, 26 ga watan Disamba yayinda suke bikin Kirsimeti a garin Rawuwu da ke karamar muhumar yayinda aka kashe biyar bayan yan bindiga sun far masu a wani otel da ke Gwol washegarin ranar.

KU KARANTA KUMA: 2019: Kungiya ta fara bi gida-gida don wayar da kan mutane a mahaifar Buhari

Kakakin yan sandan jihar, DSP Mathias Terna yace zai halarci wani ganawa na tsaro lokacin da aka kira shi akan lamarin.

Amma wani jigo a garin, Mista Francis Chong ya tabbatar da sabon harin da aka kaiwa mutanen a ranar Alhamis 27 ga watan Disamba.

Idan ka na da wata shawara ko bukatar ba mu labari, a tuntube mu a: labaranhausa@corp.legit.ng

Ku same mu a https://www.facebook.com/legitnghausa

Ko a http://twitter.com/legitnghausa

Latsa wannan domin samun sabuwar manhajar labarai ta LEGIT NG Hausa a wayar ku ta hannu: https://play.google.com/store/apps/details?id=com.naij.hausa&hl=en

Shafin NAIJ Hausa ya koma LEGIT

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng