Nigerian news All categories All tags
Jihar Benue ta samu sabon kwamishinan yan sanda

Jihar Benue ta samu sabon kwamishinan yan sanda

- Hukumar yan sandan jihar Benue ta samu sabon kwamishina

- Ya fara aiki ne a ranar Alhamis

- Kwamishinan yayi alkawarin ba mutanen jihar ingantaccen tsaro da kawo karshen ayyukan ta'addanci

Wani sabon Kwamishinan yan sanda na hukumar jihar Benue, Okon Etim Ene ya fara aiki a hedkwatar rundunar dake Makurdi, babban birnin jihar.

Kakakin rundunar yan sandan jihar, DSP. Moses Joel Yamu yace kwamishinan ya fara aiki a ranar Alhamis, 23 ga watan Agusta sannan kuma ya ba mutanen jihar tabbacin jajircewarsa domin yi masu aiki.

Sabon kwamishinan ya taba aiki a matsayin mataimakin kwamishin yan sanda dake kula da ayyuka a hukumar ta jihar Benue.

Jihar Benue ta samu sabon kwamishinan yan sanda

Jihar Benue ta samu sabon kwamishinan yan sanda

Ya ba mutanen jihar Benue tabbacin samun ingantattun tsaro da magance ayyukan ta’addanci.

A baya Legit.ng ta tattaro cewa gwamnan jihar Benue, Samuel Ortom, a ranar Juma’a yayi zargin cewa makiyaya sun kammala shirye-shirye domin kai masa harin bazata sannan su kashe shi a babban titin Makurdi/Lafia.

KU KARANTA KUMA: Rundunar soji sun kawar da yan Boko Haram 3 sun kwato makamai

Ortom yayi bayanin cewa ya samu rahoton kwararru game da shirin na yin garkuwa tare da kashe shi.

Makurdi/Lafia ita ce hanya guda da zai iya sada mutum da babban birnin tarayya Abuja

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari, tuntube mu a: labaranhausa@corp.legit.ng

Source: Hausa.legit.ng

Tags:
Mailfire view pixel