Labarai

‘Yan sanda sun harbe wata mata yayin zanga-zangar da suke yi kan kashe abokan aikinsu 2 a Kaduna

Laraba, Yuli 18, 2018 at 11:26 Safiya daga Mudathir Ishaq 2 - tsawon mintuna

- Bisa kuskure 'yan sanda sunyi sandiyyar ajalin wata mata

- Lamarin ya afku ne yayin da 'yan sandan suke zanga-zangar nuna alhinin mutuwar abokan aikinsu biyu

- A 'yan kwanakin nan dai jami'an 'yan sanda na cigaba da fuskantar barazanar hari daga 'yan ta'adda daban-daban

A jiya ne jami'an rundunar ‘yan sandan ta kasa reshen jihar Kaduna suka harbe wata mata a lokacin da su ke gudanar da zanga-zangar lumana bisa dalilin kashe abokan aikinsu su biyu da yan bindiga su ka yi a karamar hukumar Birnin Gwari da ke jihar Kaduna.

‘Yan sanda sun harbe wata mata yayin zanga-zangar da suke yi kan kashe abokan aikinsu 2 a Kaduna

Matar ta hadu da ajalinta ne a lokacin da wani jami'in dan sanda ya harba bindigar da ke hannunusa sama yayin zanga-zangar domin nuna cewa lallai ransu ya baci.

Kakakin rundunar ‘yan sanda na kasa reshen jihar Kaduna ASP Mukhtar Hussain ya bayyana cewa a ranar litinin din da ta gabata ne su kayi artabu da wasu yan bindiga a lokacin da suke tsaka da sintiri a kauyen Tabani da ke kan hanyar Birnin Gwari zuwa Funtua.

KU KARANTA: Rashin nasarar PDP a kotu ya jawo zata biya N600,000 ga Ali Modu-Sheriff da wasu mutune biyu

“Mun yi musayar wuta da ‘yan bindigar a inda su ka harbi jami'an mu guda biyu, bayan garzayawa asibiti da su domin ceto lafiyarsu, amma rai yayi halinsa. Sannan suka kwato bindiga kirar AK 47 a gurin da lamarin ya faru" in ji ASP Mukhtar Hussaini.

A karshe ya yi Kira ga al'umma da su cigaba da harkokinsu kamar yadda suka saba, domin an samu zaman lafiya a inda al'amarin ya faru

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng