Labarai

Rikicin kabilanci yayi sanadiyan mutuwar mutane 73 a Taraba

Jummaʼa, Yuli 13, 2018 at 7:37 Yamma daga Mudathir Ishaq 2 - tsawon mintuna

Akalla mutane 73 ne aka tabbatar da mutuwarsu sannan kimanin kauyuka 50 aka gona bayan sabon rikici da ya balle tsakanin Hausa-Fulani da kabilar Yandang a karamar hukumar Lau dake jihar Taraba.

Shugaban kungiyar Miyetti Allah na jihar, Alhaji Sahabi Mahmoud ya fadama manema labarai a ranar Juma’a a Jalingo cewa rikicin wanda ya fara a ranar 5 ga watan Yuli yayi sanadiyan mutuwar sama da mutane 23 daga kungiyarsa.

Ya bayyana cewa yan Hausa-Fulani 3000 da suka rasa matsuguninsu, wadda mafi akasarinsu mata ne da kananan yara suna gudun hijira a sakatariyar kungiyar Musulmai a Jalingo da sauran kananan hukumomin dake makwabtaka da su.

Mahmoud ya ce abun takaici tunda marasa galihun suka isa sakatariyar kungiyar Musulunci a Jalingo, babu wani jami’in gwamnati da ya kai masu ziyara ko kuma basu kayayyakin agaji.

Rikicin kabilanci yayi sanadiyan mutuwar mutane 73 a Taraba

A nashi bangaren, wani dattijo na garin Yandang, Mista Aaron Artimas, yace sama da mutane 50 daa yankin Yandandang da sauran kabilu ne suka mutu sakamakon rikicin.

KU KARANTA KUMA: Ka binciki yan sanda kan harin Fayose – Sanatocin PDP ga Buhari

Artimas ya bayyana cewa kabilun Hausa-Fulani, Yandang, Mumuye da Yoti da kuma sauran kabilu sun shafe lokaci mai tsawo suna zaman lafiya a matsayin yan uwan juna ba tare da matsala ba.

Ya daura alhakin rikicin akan wasu mutane daga waje da ke son kawo sabani a siyasance.

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa

Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng