Labarai

Yanzu-yanzu: Mataimakin gwamnan jihar Bauchi ya yi murabus daga kujeransa

Laraba, Mayu 23, 2018 at 9:41 Yamma daga Mudathir Ishaq 1 - tsawon mintuna

Labarin da Legit.ng Hausa ke samu yanzu daga majiya mai karfi na nuna cewa mataimakin gwamnan jihar Bauchi, Alhaji Nuhu Gidado ya yi murabus daga kujeransa a yau.

Injinya Gidado ya sanar da gwamnan jihar Bauchi, Muhammed Abubakar, ne a wata wasika da ya rubuta tun ranan 16 ga watan Mayu.

A wasikar, Injiniya Gidado ya bayyana cewa dalilin da yasa ya ajiye aikin shine saboda alkawarin da yayi na yin shekaru 4 kacal a gidan gwamnati.

Yace: " Da na karashe wa'adi na, amma bisa ga abubuwan da ke faruwa game da ayyuka na, cigaba da kasancewa a ofishin ba adalci bane gareka a matsayin dan uwana,"

Yanzu-yanzu: Mataimakin gwamnan jihar Bauchi ya yi murabus daga kujeransa

Kana mataimakin gwamnan ya kara da cewa cigaba da zama cutarwa da imaninsa da kuma al'umma.

Bugu da kari, ya tunawa gwamnan ranan 19 ga watan Afrilu cewa yana tunanin ajiye aikina. Injiniya Gidado ya mika godiyarsa ga gwamna Abubakar da kuma al'umman jihar da suka bashi daman bautawa jihar a matsayin mataimakin gwamna.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa Twitter: https://twitter.com/naijcomhausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng