Labarai

Yadda PDP ke son 'cin kasuwa' daga rashin lafiyar shugaba Buhari

Laraba, Mayu 09, 2018 at 6:44 Yamma daga Mudathir Ishaq 2 - tsawon mintuna

- An ji rade-radin cewa shugaba Buhari ya fadi a kasar Amurka da rashin lafiya

- Shugaban bai bayyana me ke damunsa ba, kuma yana son takara

- Masu hasashe na gani rashin lafiyar na iya kashe wa masoyanshi gwiwa

Yadda PDP ke son 'cin kasuwa' daga rashin lafiyar shugaba Buhari

Shin ya zata kasance muddin lafiyar shugaba Buhari ta gurgunta kafin a kai ga zaben shugaban kasa watanni 10 masu zuwa?

Wannan ita ce tambayar dake bakin kowa, musamman wadanda ke cikin APC jam'iyya mai mulki, wadanda gaba-dayansu a babbar rigar shugaban suke lilo.

A baya-bayan nan, an jiyo rade-radin karkashin kasa da ke cewa shugaba Buharin ya fadi da sabuwar rashin lafiya a yayin ziyararsa ta Amurka, wadda ta sanya dole aka garzaya dashi Ingila maimakon ya dawo Najeriya.

Duk da babu tabbas ga wannan batu, shugaban ya sake komawa ganin likita a makon nan domin ya ga likita, wanda hakan ya sanya PDP ta sake kambama batun don gurgunta siyasar masu mulkin.

DUBA WANNAN: Turawa sun sake kira a canja al-kur'ani

A zahiri dai, muddin shugaban yayi takara, to yana da kusan tabbas ta iya lashe zabe, musamman a yankunan arewa da yamma ta Najeriya, inda ake masa biyayyar makanta.

Amma kuma, muddin aka kula cewa lafiyar tasa bata iya bari yayi wani mulki mai kyau a karo na biyu, aka kuma kalli wa zai gaje shi, kuma a hannun suwa mulkin zai fada, kamar su Tinubu Ahmad na Legas, tagomashin cin zabensa ka iya bashi kashi a zabukan 2019.

Wannan yasa PDP ke son kambama rashin lafiyar shugaban, domin nata 'yan takarar, musamman irinsu Atiku Abubakar, da Sule Lamido, su iya samun wani katabus a babban zaben.

Shugaba Buhari dai bai bayyana gaba-daya me ke damunnsa ba, kuma rufa-rufar da mukarrabansa kanyi kan lafiyarsa na jawo rade-radi na babu gaira babu dalili.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng