Labarai

Bakare ya gargadi Buhari akan cewa kada ya bari wasu ‘yan bukulu su bata masa gwamnatinsa

Talata, Mayu 08, 2018 at 5:11 Yamma daga Mudathir Ishaq 2 - tsawon mintuna

- Jagoran kungiyar Save Nigeria Group, Tunde Bakare, a ranar Litinin ya gargadi shugaba Buhari da kada ya bari wasu da ake kira ‘yan zagon kasa su kawo masa matsala a gwamnatinsa

- Fasto Bakare ya fadawa shugaba Buhari cewa shine wanda za’a ga laifinsa ba wai wadanda mutanensa ba idan har gwamnatinsa ta kasa

- Tsohon abokin takarar shugaban kasar yace maganganu game da ‘yan zagon kasa zai iya zama tinani ne kawai da mutane keyi

Jagoran kungiyar Save Nigeria Group, Tunde Bakare, a ranar Litinin ya gargadi shugaba Buhari da kada ya bari wasu da ake kira ‘yan zagon kasa su kawo masa matsala a gwamnatinsa.

Fasto Bakare ya fadawa shugaba Buhari cewa shine wanda za’a ga laifinsa ba wai mutanensa ba idan har gwamnatinsa ta kasa, ya bayyana hakan ne lokacin da yake zantawa da Channels Television game da zaben 2019.

Tsohon abokin takarar shugaban kasar yace maganganu game da ‘yan zagon kasa zai iya zama tinani ne kawai da mutane keyi, yace Buharin da ya sani yana yin abunda yaso musamman idan ya sawa ransa.

Bakare ya gargadi Buhari akan cewa kada ya bari wasu ‘yan bukulu su bata masa gwamnatinsa

Bakare yace duk da mutane na maganganu game da shugaba Buhari suna cewa ya cika nawa a mulkinsa game da yanke shawarwari, kuma mulki yanason hanzari a cikinsa , yace yana duba abu kafin ya yanke hukunci akansa.

KU KARANTA KUMA: Buhari kadai keda damar bayyana lafiyarsa - Adesina

Bayan haka ya shawarci shugaba Buhari da ya ringa bayyana kurakurai na mulkinsa a kokarin da yakeyi na mulkin adalci ga jama’ar Najeriya

Idan ka na da wata shawara ko bukatar ba mu labari, a tuntube mu a labaranhausa@corp.legit.ng

Ku same mu a https://www.facebook.com/naijcomhausa Ko a http://twitter.com/naijcomhausa

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng