Labarai

Rundunar soji sun ragargaji yan Boko Haram 5 a Adamawa

Asabar, Afirilu 07, 2018 at 11:37 Safiya daga Mudathir Ishaq 1 - tsawon mintuna

Rundunar sojin operation LAFIYA DOLE sun ragargaji wasu yan ta’addan Boko Haram a jihar Adamawa, yankin Arewa maso gabashin Najeriya.

Wannan na faruwa ne bayan hukumar ya alanta hallaka yan bindiga 21 a jihar Zamfara a farkon wannan makon.

Kakakin hukumar sojin, Texas Chukwu, ya bayyana wannan ne a yau Asabar, 7 ga watan Afrilu a shafin ra’ayi da sada zumuntar hukumar.

Rundunar soji sun ragargaji yan Boko Haram 5 a Adamawa

Yace: “Rundunar sojin operation LAFIYA DOLE a ranan 6 ga watan Afrilu sun ragargaji wasu yan ta’addan Boko Haram a Barkin Dutse, jihar Adamawa, bisa rahoton wasu mafarauta.

Yan ta’ddan yayinda suka hango jami’an soji suka bude musu wuta. An hallaka yan Boko Haram 5 yayinda wasu suka arce. Daya daga mafarautan ya rasa rayuwarsa.

An kwato bindigan AK47 guda 5, carbin harsasi 5 da kuma wasu makamai na musamman.”

KU KARANTA: Iyalan Gwamna Yahaya Bello sun tsallake rijiya da baya

Legit.ng ta kawo muku rahotannin cewa shugaba Muhammadu Buhari ya rattaba hannu kan takardan baiwa hukumar soji $1bn domin sayen makamai da kawar da Boko Haram.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da Kuma Tuwita: http://twitter.com/naijcomhausa

KU LATSA: Sabuwar hanyar karanta labarain Legit.ng HAUSA https://play.google.com/store/apps/details?id=com.naij.hausa&hl=en

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng