Labarai

Yadda tsaffin gwamnonin PDP suka ba Buhari Naira miliyan 500 na kamfen a 2014 - Bafarawa

Lahadi, Afirilu 01, 2018 at 8:53 Safiya daga Mudathir Ishaq 2 - tsawon mintuna

Tsohon gwamnan jihar Sokoto na farko a wannan jamhuriyar kuma jigo a jam'iyyar PDP a jihar yanzu haka watau Alhaji Attahiru Bafarawa ya yi ikirarin cewa tsaffin gwamnonin nan na jam'iyyar PDP da suka sauya sheka ya zuwa APC a shekarar 2014 sun baiwa sabuwar jam'iyyar ta su kudin kamfen na Naira miliyan 500.

A cewar sa, kafin jam'iyyar ta APC ta amince da dawowar su tare kuma da mallaka masu ragamar jam'iyyar jihohin nasu a hannun su sai da aka umurce su da kowa ya bayar da Naira miliyan 100.

Yadda tsaffin gwamnonin PDP suka ba Buhari Naira miliyan 100 na kamfen a 2014 - Bafarawa

KU KARANTA: Mutum 3 da ake sa ran za su gaji Oyegun a APC

Legit.ng ta samu cewa Alhaji Bafarawa din yayi wannan ikirarin ne a yayin da yayi wata kebantacciyar fira da majiyar mu ta kamfanin jaridar Punch a karshen satin nan.

Mai karatu dai zai iya tuna cewa wadanda suka sauya shekar a wancen lokacin sun hada da Murtala Nyako (Adamawa), Abdulfattah Ahmed (Kwara) Rotimi Amaechi (Rivers), Rabiu Kwankwaso (Kano), da kuma Aliyu Wamakko (Sokoto).

A wani labarin kuma, Tsohon gwamnan jihar Kuros Ribas dake a kudu maso kudancin Najeriya na farko a wannan jamhuriyar, Mista Donald Duke a ranar Alhamis din da ta gabata ya yi ikirarin cewa asarar da Najeriya ta tafka sakamakon fadan Boko Haram ya fi wadda ta yi a lokacin yakin basasa.

Mista Duke dai ya yi wannan ikirarin ne a yayin zantawa da manema labarai a garin Legas, karkashin inuwar wata kungiya da ke rajin tabbatar da shugaba mai inganci a Najeriya watau National Movement for Positive Change (NMPC).

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da

Kuma Tuwita: http://twitter.com/naijcomhausa

KU LATSA: Sabuwar hanyar karanta labarain Legit.ng HAUSA

https://play.google.com/store/apps/details?id=com.naij.hausa&hl=en

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng