Labarai

An kama wasu mutane 4 da laifin kashe abokin su a jihar Filato

Alhamis, Maris 15, 2018 at 9:58 Safiya daga Mudathir Ishaq 2 - tsawon mintuna

- An gurfanar da wasu mutane 4 a ranar Larabar nan a gaban kotun jihar Filato bisa zargin kashe abokinsu

-Wadanda ake zargin sun kasheshi ta hanyar daba masa wuka a lokacin da fada ya kaure a tsakanin su

An kama wasu mutane 4 da laifin kashe abokin su

A ranar Larabar nan ne aka gurfanar da wasu mutane hudu a gaban babbar kotun Filato dake jihar Jos bisa zargin kashe abokinsu, mai suna Joseph Gonsum.

DUBA WANNAN: Jerin kasashen da suka fi ko ina dadin rayuwa a duniya

Wadanda ake zargin Terry Kefas, Samson James, Emmanuel Jah, da kuma Patrick Nyam, duka ‘yan Kauyen Gada Biyu ne, ana zargin su da dabawa wuka Gonsum, a lokacin da fada ya rincabe a tsakanin su.

Majiyar mu Legit.ng ta taba kawo muku rahoton inda aka fara shari'ar wanda ake zargin tun a ranar 22 ga watan Satumbar shekarar 2017. Ana zarginsu da aikata laifin kisa kai wanda matakin sa a shari'a hukuncinsa kisa ne.

Mai gabatar da kara, Mista N.S Miner, ya fadawa kotu cewa wadanda ake zargin sun aikata laifin a ranar 25 ga watan Disamba 2016. Sannan ya kara bayyanawa kotu cewa wadanda ake zargin sun rike wukake inda suka daba masa a ciki, hakan yayi sanadiyar mutuwarsa. A karshe da bincike ya tsananta, wadanda ake zargin sun amsa laifin su, inda suka tabbatar wa da kotu cewa sun aikata laifin.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng