Kunnenka nawa? Karanta yadda aka kwashi Amarya Fatima Ganduje zuwa dakin mijinta (Hotuna
Tabbas, masu kudi na shagalinsu, a yayin da wasu ma’aurata ke karyar daukan amarya a cikin manyan matoci, su kuma a kauyuka su dauki amarya a kan jaki, sai ga shi Fatima Ganduje ta fita daban.
A ranar Lahadi, 4 ga watan Maris ne dai, aka kai diyar gwamnan jihar Kano, Gwamna Abdullahi Ganduje da aka daura aurenta a ranar Asabar, Fatima Ganduje da Angon Idris AJimobi, yaron gwamnan jihar Oyo, dakinta.
KU KARANTA: Fadar shugaban kasa tayi magana a kan satar 'yan matan Dapchi, takarar Buhari
Sai dai irin wannan daukan Amarya ba kasafai aka saba ganinsa ba, idan ba wai a wajen masu hannu da shuni bane, inda aka dauki wannan Amarya a cikin jirgin sama, jirgin ma ba wai irin na yan kasuwa ba, jirgin shata, wanda ake yi ma suna da ‘Private Jet.”
A Hotunan da Legit.ng ta gano, wasu tsala tsalan yan mata su hudu ne suka fara rako diyar gwamnan har cikin filin jirgin saman, inda suka mikata ga Angonta Idris, wanda yake tsaye tana dakon jiranta, daga nan shi kuma ya rike mata hannu zuwa cikin jirgin dake jiransu, sai Ibadan, dakin Amarya.
Idan za’a tuna, wannan taro ya samu halartar shugaban kasa Muhammadu Buhari, Sanata Bukola Saraki, Asiwaju Ahmad Bola Tinubu, Sarkin Kano Muhammadu Sunusi, gwamnoni da dama, da kuma yan kasuwa, Sanatoci, Yan majalisu da sauransu.
Ku biyo mu a https://www.facebook.com/naijcomhausa
ko a http://twitter.com/naijcomhausa
KU LATSA: Hanyar sauko da sabuwar manhajar jaridar Legit.ng Hausa cikin sauki
Ga masu shawara ko korafi, a same mu a labaranhausa@corp.legit.ng
Asali: Legit.ng
