Labarai

An kashe muta 20, an sace shanaye 300 a sabon rikicin kabilanci da ya balle a jihar Taraba

Litinin, Maris 05, 2018 at 6:30 Safiya daga Mudathir Ishaq 2 - tsawon mintuna

- Sabon rikici ya balle tsaknain makiyaya da mazauna Leme a karamar hukumar Sadauna dake jihar Taraba

- An rahoto cewa an kashe mutane 20, 12 sun ji rauni yayinda aka sace shanaye 300

- Mazauna yankin sunyi ikirarin barin gidajesu bayan harin

Wani sabon rikicin kabilanci da ya balle a Mambilla Plateau karamar hukumar Sardauna dake jihar Taraba a ran ar Lahadi, 4 ga watan Maris yayi sanadiyan mutuwar mutane ashiri, yayinda aka sace shanaye guda dari uku.

Wani mazaunin garin wanda ya tsere a lokacin rikicin, Saadu Magoggo, ya bayyana cewa wata kungiya ta Mambilla Militia ta kashe yan uwansa guda biyu a ranar Asabar sannan kuma an sace dabbobinsu , jaridar Vangurd ta ruwaito.

An kashe muta 20, an sace shanaye 300 a sabon rikicin kabilanci da ya balle a jihar Taraba

Wani shugaban Fulani, Ahmadu Nguroje, ya ce akalla mutane 20 ake ganin sun mutu, anyi sace-sace a gidaje, shaguna sannan kuma an kona su zuwa toka a hanyar Tapare da Yerimaru dake karamar hukumar Sardauna na jihar Taraba. “Kimanin mutane 12 ma sun ji rauni suka kwance a asibiti a Gembu.”

Da yake maida martini ga rikicin, Gwamna Darius Ishaku, wanda yayi Magana ta babban mai bashi shawara akan harkokin jama’a, Emmanuel Bello, ya ce: “duk wanda ya kashe wani, daga ko wani addini ko kabila, mai laifi ne; imam ya fito daga yankin Mambilla ko kudancin Taraba koma daga ko wani yanki na jihar. Sannan kuma zamuyi maganinsu a matsayin masu laifi.

KU KARANTA KUMA: PDP ta taya Obasanjo murnar cika shekaru 81; ta ce yana daya daga cikin shugabannin da suka yi aiki sosai a Najeriya

“Muna kokarin ganin an sasanta rikicin tare da dawo da zaman lafiya a tsakannin dukannin kabilu a jihar.”

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng