Ma'aurata sun sha bulala a bainar jama'a saboda yin aure babu yardar iyayen su

Talata, Faburairu 27, 2018 at 7:13 Yamma daga Mudathir Ishaq 2 - tsawon mintuna

- Dakarun Taliban sun yiwa wasu ma'aurata bulala a bainar jama'a saboda sun yi aure babu yardar iyayen su

- Ma'auratan 'yan asalin kasar Afghanistan sun gudu zuwa yankin Ghor dake yammacin kasar inda su ka yi aure

- Ko a ranar 14 ga watan nan saida 'yan Taliban din su ka jefe wani matashi bisa zargin sa da yin zina

Dakarun Taliban sun yiwa wani matashi da wata matashiya bulala a bainar jama'a saboda sun yi aure ba tare da iyayen su sun amince ba.

Matasan sun gudu daga garin Faryab dake arewacin kasar Afghanistan zuwa yankin Ghor dake yammacin kasar inda su ka yi auren su.

Jami'in kungiyar Taliban, Yurish, ya shaidawa kamfanin labarai na dpa cewar "a ranar Litinin da yamma dakarun Taliban su ka yi hukuncin bulala ga matasan da su ka yi aure ba tare da yardar iyayen su ba."

Ma'aurata sun sha bulala a bainar jama'a saboda yin aure babu yardar iyayen su

Lamarin ya faru ne a yankin Bandar dake karkashin ikon 'yan Taliban a kasar Afghanistan.

Matasan sun gudu ne saboda iyayen su sun ki amincewa su yi aure duk kaunar da su ke yiwa junan su.

Tun bayan samun karin karfin kungiyar Taliban ake samun yawaitar alkalan dakali dake yin hukunci yadda su ke so a kan jama'a.

KARANTA WANNAN: An fitar da kididdigar ta'annacin da kungiyar Boko Haram ta yi a kasar kamaru cikin shekarar 2017

A cewar kasar Amurka, kashi 13% cikin 100% na kasar Afghanistan na karkashin ikon Taliban.

Ko a ranar 14 ga watan nan saida 'yan Taliban su ka jefe wani matashi bisa zargin sa da aikata laifin zina a yankin Sar-e-Pul dake arewacin kasar.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng