Labarai

Gwamnatin tarayya ta ba da sabon umarni akan sigar da za a rika kira Buhari da shi a wurin taro

Laraba, Faburairu 28, 2018 at 8:57 Safiya daga Mudathir Ishaq 2 - tsawon mintuna

- Sakataren gwamnatin tarayya ya ce ba dai-dai bane a rika kiran Buhari da sigar Janar a wurin taro

- Boss Mustapha ya ce da sigar “SHUGABAN KASAR NAJERIYA, MUHAMMADU BUHARI ya kamata a rika kiran Buhari a wurin taro

Gwamnatin Tarayya ta bayar da sabon umarnin akan sigar da za a rika kira sunan shugaban kasa, Muhammadu Buhari a da shi a wurin taro.

A wata madauwari da sakataren gwamnatin tarayya, SGF, Boss Gida Mustapha, ya aikawa duka Ma’aikatun kasar, yace shugaba Buhari, tsohon soja ne da yayi ritaya a mukamin Manjo Janar, saboda haka bai daidai bane yanzu da ya zama shugaban kasa a mulkin farar hula a cigaba da kiran sa da sigar mukamin sa na soja a wurin taro.

A madauwari da ya aika wa ma’aikatun kasar, Boss yace, da ga yanzu za a rika kiran Buhari da sigar, 'SHUGABAN KASAR NAJERIYA, MUHAMMADU BUHARI.'

Gwamnatin tarayya ta ba da sabon umarni akan tsigar da za a rika kira Buhari da shi a wurin taro

“Daga yanzu za a rika kiran Buhari da sigar, 'SHUGABAN KASAR NAJERIYA, MUHAMMADU BUHARI ,' a taron sojoji ne kadai za a iya kiran shi da sigar Janar," Inji Mustapha.

KU KARANTA : Ba zan yi kasa a guiwa wajen kare Buhari ba- Abdullahi Adamu

Daga karshe yayi kira da ma’aikata sun yi aiki da wannan sabon umarni.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari, Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng