Labarai

Igiyar leko ta hallaka uwa da 'ya'yan ta hudu a Maiduguri

Litinin, Faburairu 26, 2018 at 1:54 Yamma daga Mudathir Ishaq 2 - tsawon mintuna

- Tashin wata wutar gobara daga maganin sauro da wata mata ta kunna ya hallaka ta da 'ya'yan ta hudu

- Wannan hatsari ya faru ne da misalin 12:15 na dare a unguwar Shuwari ta kudu dake garin Maiduguri

- Uwar ta mutu ne yayin da ta shiga cikin wutar domin ceto yaron ta mai shekaru hudu

Tashin wutar gobara daga maganin sauro da wata mata ta kunna ta yi sanadiyar mutuwar matar da 'ya'yan ta hudu.

Wannan hatsari ya faru ne ranar Alhamis da misalin karfe 12:15 na dare a unguwar Shuwari ta kudu dake cikin garin Maiduguri.

Rahotanni sun bayyana cewar uwar yaran Yana ta rasa ranta ne yayin da take kokarin tserar da karamin yaron ta mai shekaru hudu a duniya.

Igiyar leko ta hallaka uwa da 'ya'yan ta hudu a Maiduguri — Jami'an hukumar kiyaye hadurra

Lamarin ya faru ne yayin da mijin Yana, Adam Bulama, ya yi tafiya zuwa Monguno.

Wani makwabcin gidan Yana, Bana Muhammad, ya shaidawa jaridar Daily Trust cewar, matar ta farka da tsakar dare tana ihun neman taimakon jama'a bayan wuta ta fara cin gidan.

KARANTA WANNAN: Kada ku cakuda siyasa da harkar tsaro - Gwamna Shettima

"Ta fito waje tana ihu, ta na neman a taimaka domin yaran ta na ciki kuma ga gidan na ci da wuta ganga-ganga. Haka ta koma cikin gidan da gudu domin dauko karamin yaron ta mai shekaru hudu amma hayaki da zafin wuta bai bari ta cinma burinta ba," a cewar Bana.

Mai Machina Abubakar, amini ga mijin Yana, ya tabbatar da faruwar lamarin ga Daily Trust tare da cewar tuni aka binne mamatan tun kafin dawowar Bulama.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng