Labarai

Dubban yan APC na kudancin Najeriya za su shirya babban gangamin goyon bayan Buhari

Litinin, Faburairu 26, 2018 at 8:18 Safiya daga Mudathir Ishaq 2 - tsawon mintuna

- Dubban yan APC na kudancin Najeriya za su shirya babban gangamin goyon bayan Buhari

- An yi wa gangamin lakabi da “National Unity and Solidarity Rally”

- Babban sakataren gudanarwar jam'iyyar na shiyyar Mista Paul Obi shine ya sanar da hakan

Wasu gungun dubban magoya bayan jam'iyya mai mulki ta APC a yankin kudu maso kudancin Najeriya ya zuwa yanzu sun yi nisa a cikin wani shirin su na gudanar da wani babban gangamin nuna goyon bayan su ga shugaba Buhari da suka yi wa lakabi da “National Unity and Solidarity Rally”.

Dubban yan APC na kudancin Najeriya za su shirya babban gangamin goyon bayan Buhari

KU KARANTA: An gano inda rabin yan matan Dapchi suke

Babban sakataren gudanarwar jam'iyyar na shiyyar Mista Paul Obi shine ya sanar da hakan ga duniya inda yace suna mika gayyatar su zuwa ga dukkan masu kaunar shugaban daga kowane lungu da sako na yankin su fito domin yin gangamin.

Legit.ng ta samu cewa Mista Obi ya bayyana cewa wannan dai wata dama ce da yankin da kuma yan yankin za suyi anfani da ita wajen nunawa duniya irin kaunar su ga shugaba Buhari.

A wani labarin kuma, fadar shugaban kasar Najeriya dake a unguwar Villa, babban birnin tarayya Abuja ta bayyana a jiya cewa su fa su shugaba Buhari da mataimakin sa Yemi Osinbajo batun zarcewa bisa mulki a zaben 2019 ma bai dame su ba.

A maimakon hakan, kamar yadda muka samu daga fadar, an bayyana cewa su shugabannin kawo yanzu ba abun da ke a ran su irin tabbatar da samun cigaba mai dorewa a kasar tare kuma da jin dadin 'yan Najeriya.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da

Kuma Tuwita: http://twitter.com/naijcomhausa

KU LATSA: Sabuwar hanyar karanta labarain Legit.ng HAUSA

https://play.google.com/store/apps/details?id=com.naij.hausa&hl=en

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng