Labarai

Aiki dole: Gwamnan Kano ya ki amincewa da murabus din babbar akawuntar jihar

Alhamis, Faburairu 22, 2018 at 10:52 Yamma daga Mudathir Ishaq 2 - tsawon mintuna

- Babbar Akawun Jihar Kano Hajiya Aisha Bello ta ajiye aikinta

- Tace tana fuskantar shisshigi wurin aiwatar da ayyukanta

- Gwamnan jihar Abdullahi Ganduje ya ce ba ta sabuwa

Kamar dai yadda muke samu daga majiyoyin mu, shine cewar gwamnan jihar Kano Alhaji Dakta Abdullahi Umar Ganduje ya ki amincewa da murabus din da babbar akawuntar jihar, Hajiya Aisha Bello ta yi inda ya bukaci ta cigaba da aikin ta.

Aiki dole: Gwamnan Kano ya ki amincewa da murabus din babbar akawuntar jihar

KU KARANTA: Mafusatan matasa sun jefi ayarin Gwamnan Yobe

Mun samu dai cewa a dazu ne wata takarda ta fita a kafafen yada labarai cewa dauke da cewar babbar akawun ta jiha tana bukatar Gwamnan da ya amince da murabus din na ta.

Legit.ng ta samu dai cewa ta dai mika bukatar ta ta ta ne inda ake tunanin kin bin umurnin ta ne da sauran manyan ma'aikatun jihar ke yi a wajen gudanar da ayyukan ta.

A baya dai mun bayyana maku cewa babbar Akawun Jihar Kano Hajiya Aisha Bello ta ajiye aikinta a yau Alhamis a wata takarda data aikawa gwamnan jihar Abdullahi Umar Ganduje bisa irin shisshigi da tace tana fuskanta wurin gudanar da ayyukanta daga wasu kusoshin gwamnatin jihar.

Majiyar mu ta rawaito cewa Aisha Bello a shekarar data gabata ta rubutowa gwamnan jihar irin wannan takarda ta ajiye aiki inda ta bayyana dalilin yin haka da cikas da take samu daga gurin wasu manyan gwamnatin jihar da hakan yana hana ta samun ikon gudanar da ayyukan ta bisa yadda ya kamata.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da

Kuma Tuwita: http://twitter.com/naijcomhausa

KU LATSA: Sabuwar hanyar karanta labarain Legit.ng HAUSA

https://play.google.com/store/apps/details?id=com.naij.hausa&hl=en

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng