Labarai

Wahalar mai: Dalilin da yasa IPMAN suka daina shigo da mai kasar nan

Laraba, Faburairu 21, 2018 at 4:28 Yamma daga Mudathir Ishaq 2 - tsawon mintuna

- An dade ana wahalar mai a Najeriya, kuma ana ganin ba zata kare nan kusa ba

- Yan kasuwa sun daina shigo da mai don babu wata riba

- NNPC kadai ke iya samo dalolin shigo da mai

Wahalar mai: Dalilin da yasa IPMAN suka daina shigo da mai kasar nan

A karshe bara, an sami tsaikon layuka da wahalar mai, wadda ta jefa al'umma cikin tagayyari, da ni-'yasu, inda man kuma yayi tashin gwauron zabi saboda hutu da ake zuwa a wannan lokaci. Ya zuwa yanzu dai, ana ci gaba da samun wahalar man jefi-jefi, sai dai abin yayi rage qamari.

A cewar hukumar NNPC dai a jiya, tana shigo da mai ita kadai, kuma a dan tsakaninnan ta shigo da mai da ya kai na fin Naira tiriliyan daya, kuma tana sanya tallafi wanda baya kasafi kusan N980m a kullum. Batu da ya janyo wa kamfanin fushi da binciken majalisa.

DUBA WANNAN: An haramtawa yara waziffa a tsangayoyi

Majalisar ta binciki kamfanin, inda mai ajiyar kudaden NNPC, Isiaka Razak, yayi kokarin kare kanfanin a jiya, da cewa 'yan kasuwa sun janye hannunsu basu iya shigo da mai kacokan, bisa rashin tabbas na farashin dala, matsalar samun dalar,, da kuma rashin wata riba ta kuzo-ku-gani.

Su dai 'yan kasuwar, sun zargi gwamnati da kin biyansu hakkokinsu, da kuma takure ribarsu bayan wahalarsu ta shigo da man.

A nata bagaren, gwamnati ta ce tana kawo gyara ne bisa yadda ake hada-hadar a da, inda ake tafka sata da cuwa-cuwa da sunan tallaffi koo shigo da mai.

Latsa wannan domin samun labarai a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng