Labarai

Zaben 2019: Sarakunan gargajiya sun yanke shawarar goyon bayan Buhari

Litinin, Faburairu 19, 2018 at 8:22 Safiya daga Mudathir Ishaq 2 - tsawon mintuna

Sarkin Maradun na jihar Zamfara mai suna Alhaji Garba Tambari ya kwarmatawa 'yan jarida cewar tuni shi da wasu sauran sarakunan gargajiya a dukkan fadin kasar nan sun yanke shawarar goyawa shugaba Muhammadu Buhari baya a zaben shekarar 2019.

Sarkin na Maradun yayi wannan ikirari ne a yayin da yake zantawa da manema labarai jim kadan bayan da gama ganawa da shugaban da a halin yanzu yake wata ziyara a garin sa na Daura dake a jihar Katasin.

Zaben 2019: Sarakunan gargajiya sun yanke shawarar goyon bayan Buhari

KU KARANTA: Tsohon minista ya koma APC daga PDP

Legit.ng ta samu cewa Alhaji Garba haka zalika ya bayyana cewa dukkan mai son cigaban kasar nan to a halin yanzu dole ne fa ya goyi bayan shugaba Buhari din don ya zarce.

A wani labarin kuma, Kamar dai yadda muke samu daga majiyoyin mu, tsohon ministan wasanni a zamanin mulkin jam'iyyar adawa ta yanzu ta People Democratic Party (PDP) a jihar Kebbi mai suna Alhaji Sama'ila Sambawa ya jagoranci dumbin magoya bayan sa zuwa jam'iyya mai mulki ta APC.

Alhaji Sambawa wanda a baya ya rike matsayin minista a lokutta da dama a karkashin mulkin PDP ya bayyana sauya shekar ta sa ne a ranar Lahadi a babban filin wasa na Halidu dake a cikin Birnin Kebbi, babban birnin jihar ta Kebbi.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da

Kuma Tuwita: http://twitter.com/naijcomhausa

KU LATSA: Sabuwar hanyar karanta labarain Legit.ng HAUSA

https://play.google.com/store/apps/details?id=com.naij.hausa&hl=en

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng