Labarai

Kisa a jihar Zamfara: 'Yan sandan Najeriya sun kama mutane 3

Litinin, Faburairu 19, 2018 at 7:48 Safiya daga Mudathir Ishaq 2 - tsawon mintuna

Jami'an tsaro na hukumar 'yan sandan Nijeria ta bayyana cewa ta samu nasarar kama akalla wasu mutane uku da take zargin su da hannu dumu-dumu a kashe-kashen da suka auku a baya-baya nan da aka yi a jihar Zamfara dake a arewa maso yammacin kasar nan.

Yan sandan dai a cikin wata sanarwa da ke dauke da sa hannun kakakin hukumar, CSP Jimoh Moshood ya bayyana cewa mutanen da suka cafke haka zalika suna bada hadin kai a bincike da 'yan sanda suke yi.

Kisa a jihar Zamfara: 'Yan sandan Najeriya sun kama mutane 3

KU KARANTA: Makiyaya sun kashe zakuna 3

Legit.ng ta samu haka zalika cewa sanarwar ta cigaba da bayyana cewa da zarar hukumar ta 'yan sandan sun kamala binciken da su ke yi , za a gurfanar da mutanen a gaban kotu.

Wadanda ake zargin dai sun hada Halilu Garba mai shekara 45 da Zubairu Marafa mai shekara 45 da kuma Nafi'u Badamasi mai shekara 40.

A wani labarin kuma, Sarkin Maradun na jihar Zamfara mai suna Alhaji Garba Tambari ya kwarmatawa 'yan jarida cewar tuni shi da wasu sauran sarakunan gargajiya a dukkan fadin kasar nan sun yanke shawarar goyawa shugaba Muhammadu Buhari baya a zaben shekarar 2019.

Sarkin na Maradun yayi wannan ikirari ne a yayin da yake zantawa da manema labarai jim kadan bayan da gama ganawa da shugaban da a halin yanzu yake wata ziyara a garin sa na Daura dake a jihar Katasin.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da

Kuma Tuwita: http://twitter.com/naijcomhausa

KU LATSA: Sabuwar hanyar karanta labarain Legit.ng HAUSA

https://play.google.com/store/apps/details?id=com.naij.hausa&hl=en

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng