Kotu ta yanke hukuncin ɗauri na makonni 8 kan wani mutum da ya keta dokar zirga-zirga
Wata kotu dake zamanta a unguwar Kubwa ta birnin Abuja, ta zartar da hukuncin ɗauri na makonni 8 kan wani mutum mai shekaru 53 a duniya, Ayuba Ibrahim, bisa laifin karan tsaye da ya yiwa dokokin zirga-zirga.
Kotun ta yanke masa wannan hukunci bisa laifin daukar fasinja a haramtaccen wuri, baya ga yin kabu-kabu da babur marar lasisi.
Sai dai kotun bisa ga adalci da kuma rangwami na mai shari'a Mohammed Marafa, ya bayar da zabi na biyan diyya ta N4000 tare da gargadin sa kan ya kasance mutum na gari.
KARANTA KUMA: Wata jam'iyya ta bukaci a yi watsi da zaben kananan hukumoni na jihar Kano
Idowu Lawal, jami'in dan sanda mai shigar da kara ya shaidawa kotun cewa, an cafke wanda ake zargi a unguwar Kubwa a ranar 14 ga watan Fabrairu, a yayin da yake sabawa sassa na 4, 36, 68, da kuma na 7 na dokokin zirga-zirga.
A yayin haka kuma, jaridar Daily Trust ta ruwaito cewa, gwamnan Abdulaziz Yari na jihar Zamfara, ya kausasa harshe kan hukumomin tsaro dangane da kisan gillar mutane 39 a karamar hukumar Zurmi ta jihar sa.
Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en
Domin shawara ko buƙatar bamu labari, tuntuɓe mu a: labaranhausa@corp.legit.ng
Ku duba shafukanmu na dandalin sada zumunta a:
https://facebook.com/naijcomhausa
https://twitter.com/naijcomhausa
Asali: Legit.ng
