Labarai

Bera da ɓarna: Beraye sun tafka ma manoman shinkafa mummunar ta’asa a jihar Kebbi

Jummaʼa, Faburairu 16, 2018 at 12:16 Yamma daga Mudathir Ishaq 2 - tsawon mintuna

Rahotanni sun tabbatar da cewa wasu guma guman beraye sun da kwari sun tafka ma manoman shinkafa mummunan asara a jihar Kebbi, kamar yadda BBC Hausa ta ruwaito.

Majiyar Legit.ng ta ruwaito tsabar munin ta’asan da berayen suka tafka a gonakan ya sa wasu manoman yin watsi da lamarin noman shinkafar ma gaba daya, inda suka ce babu riba idan suka cigaba a haka.

KU KARANTA: Raɗe raɗen komawar Kwankwaso PDP: Ko mutum shi ne shugaban shaiɗanu ba zamu bar masa PDP ba – Inji Shekarau

Wannan matsalar tafi kamari ne a yankunan Augie, Argungun, Bagudo, Danda, Kalgo da Bunza kuma sune yankunan da suka fi samar da shinka a Najeriya gaba daya, hakan ne ya sanya ake fargabar za’a iya fuskantar karin karancin shinkafa a Najeriya.

Bera da ɓarna: Beraye sun tafka ma manoman shinkafa mummunar ta’asa a jihar Kebbi — Manoma

Wani manomi shinkafa da matsalar ta shafa a garin Argungu, Malam Sanusi Adamu ya bayyan ma majiyarmu cewar "Berayen sun yi wa kusan dukkanin manoman Argungu barna, da kuma kwari da ke lalata shinkafa hakan kum ya sabbaba raguwar nomar shinkafa.”

A nasu bangaren, ma’aikatar gona ta jihar Kebbi, ta bakn kwamishinan ma’aikatar, Alhaji Garva Dan Dika tun bayan samun labarin matsalar sun sayo magungunan da za’a yi ma gonaki feshi dasu, sune zasu kashe berayen da kwarin.

Idan za’a tuna, gwamnatin Najeriya karkashin jagorancin shugaban kasa Muhammadu Buhari ta dauki matakin haramta shigar da shinkafa don bunkasa nomar shinkafa a Najeriya, kuma jihar Kebbi na kan gaba wajen cika wannan kudiri na Buhari.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng