Labarai

Sojojin Najeriya sun yi ma yan ta’addan Boko Haram jini da majina, sun tarwatsa kamfanin ƙera bama bamai

Laraba, Faburairu 07, 2018 at 5:30 Yamma daga Mudathir Ishaq 2 - tsawon mintuna

Rundunar Sojin Najeriya na sama da na kasa sun samu galaba a kan yan ta’addan Boko Haram a wani sabon yunkuri da Sojojin suka kaddamar da kakkabe ragowar yan ta’addan a jihar Borno.

Mataikamakin daraktan watsa labaru na yaki da ta’addanci, kanal Onyeama Nwachukwu ne ya bayyana hake cikin wata sanarwa da ya fitar a ranar Laraba 7 ga watan Feburairu, inda yace kimanin sati hudu kenan Sojojin na gallaza ma yan Boko Haram a dajin Sambisa da yankin tafkin Chadi.

KU KARANTA: Wani abin takaici ya faru a jihar Katsina, gardawa guda 7 sun fyadeɗ yarinya mai shekaru 14

Sojojin Najeriya sun yi ma yan ta’addan Boko Haram jini da majina, sun tarwatsa kamfanin ƙera bama bamai — Kayan ƙera bama bamai

Legit.ng ta ruwaito a ranar Talata 6 ga watan Feburairu hadakan Sojojin sama da na kasa sun kai wani samame zuwa wani sanannen sansanin yan Boko Haram mai suna ‘Camp Zairo’, inda suka yi ma yan ta’addan kaca kaca, tare da tarwatsa kamfanin da suke hada bama bamai.

Sojojin sun gano kwanukan iskar gas guda 88, na’urar kwamfuta guda 1, wayoyin sadarwa guda 2, Babura guda 22, kekuna 18, kayan abinci da sauran kayayyakin amfaninsu na yau da kullum.

Daga karshe sanarwar ta kara da cewa Sojojin Najeriya a shirye suke su bada gudunmuwarsu na ganin sun tabbatar zaman lafiya a Najeriya tare da kare rayuka da dukiyoyin al’umma, ta hanyar kakkabe abinda ya ragu na yan ta’addan Boko Haram.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng