Son maso wani, ƙoshin wahala: Wani Saurayi ya kiɗime yayin samun labarin auren ɗiyar Dangote
- Diyar Dangote, Fatima za ta auri yaron tsohon sufeta janar na Yansanda
- Wani 'Masoyinta' ya nuna damuwarsa da auren
Cikin raha, wani ma’abocin kafar sadarwa zamani, Facebook, Rabiu Biyora ya bayyana halin dimuwa da ya shiga sakamakon labarin auren diyar attajiri Aliko Dangote da za’a yi, kamar yadda Legit.ng ta gano.
Shi dai wannan matashi ya bayyana cewa ya dade yana kaunar Fatima Dangote tun ba yanzu ba, amma kwatsam sai ji yayi za ta amarce da yaron tsohon sufeta janar na Yansanda, Muhammed Abubakar, Jamilu.
KU KARANTA: Wata ɗalibar jami’ar Ahmadu Bello ta hallaka kanta har lahira a tafkin Tamburawa
Biyora yace: “Haba Fatima Dangote ya zakiyimun haka, kin san dai yadda zuciyata ta tafi a kaunarki, tunani na naki ne, kirjina cike yake da beginki, Na gama shiryawa tsaf, ina jiran inji kin fitar dani a matsayin Ango, kawai sai naji labarin kin zabi wani daban. Na dade ina sanar dake cewa idan ba keba sai dai rijiya amma duk da haka kika zabi wani kika kyaleni.”
Daga karshe ya bukaci jama’a su kawo masa dauki, idan ba haka ba kuwa zai tunjuma cikin rijiya, amma fa duk a cikin raha da nishadi yake bayyana labarin nan.
Ku biyo mu a https://www.facebook.com/naijcomhausa
ko a http://twitter.com/naijcomhausa
KU LATSA: Hanyar sauko da sabuwar manhajar jaridar Legit.ng Hausa cikin sauki
Ga masu shawara ko korafi, a same mu a labaranhausa@corp.legit.ng
Asali: Legit.ng
