Labarai

An caka masa: Tsohon dan majalisa ya maka Amaryarsa tare da ‘Mai dalilin aure’ gaban Kotu

Litinin, Janairu 29, 2018 at 8:57 Safiya daga Mudathir Ishaq 2 - tsawon mintuna

Wani tsohon dan majalisa a jihar Jigawa, Alhaji Hussaini Namadi Auyo ya shigar da amaryarsa da suka kwashe sati uku kacal suna tare gaban Kotu, biyo bayan tserewa da ta yi zuwa kasar Nijar.

Namadi wanda shi ne tsohon wakilin Hadejia/Auyo/Kafin Hausa a majalisar wakilan Najeriya a inuwa jam’iyyar PDP ya shigar da kara ne ta hannun lauyansa, Barista Ukashatu Adamu, inda ya bukaci ko dai Kotu ta tilasta ma Amaryarsa Jamila komawa gidansa ko kuma ta biya naira miliyan 30 da ya kashe a aurenta.

KU KARANTA: Wasikar Obasanjo: Talakawa ne zasu zabe mu ba attajirai ba – Inji Gwamnan jihar Kaduna

Haka zalika Namadi ya kara har da matar da ta nemo masa Amarya, wato mai dalilin aure, wanda ita ma yace da hadin bakinta amaryarsa Jamila ta tsere. Barista Ukashatu yace Namadi ya bada kwangilar a samo masa budurwa fara, mai gashi, mai diri, doguwa, mai idanu dara dara, da kuma wushirya daga kasar Nijar.

An caka masa: Tsohon dan majalisa ya maka Amaryarsa tare da ‘Mai dalilin aure’ gaban Kotu — Hussaini Namadi da Jamila

Sai dai bayan an samo irin wannan mace ne, sai Namadi ya shiruya kayataccen biki, inda yayi jigilar Jamilah da yan uwanta tun daga Nijar har Najeriya don halartar bikin, amma sati uku da tarewa ta nemi izinin zuwa ganin gida, shi ne fa har yanzu ta ki dawowa.

Legit.ng ta ruwaito a duk lokacin da Namadi ya bukaci ta dawo gidansa, sai ta bukaci ya bata takardar saki, wai ba ta yi, haka ne ya sanya Namadi bukatar Kotun shari’an Musulunci dake Shahuci ta bi masa hakkinsa.

Shi kuwa lauyan Mai dalilin aure, Barista Sa’idu Tudun Wada ya bukaci kotu ta cire wacce yake wakilta daga karar, saboda a cewarsa ta riga ta gama aikinta na nema masa matar aure wanda ta cika dukkanin sharuddan da yake bukata.

Amma ganin alkalin Kotun, Garba Ahmed yayi watsi da bukatarsa, sai lauyan ya nemi a yi sulhu a wajen Kotu, inda yace zasu ya nema ma Hussaini Namadi kanwar amaryarsa, wanda ta ma ta cika dukkanin sharuddan da yake nema a jikin mace. Daga nan sai Alkali y adage shari’ar zuwa ranar 15 ga watan Maris.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng