Siyasa

Rikcin Makiyaya : Ina zargin wasu ‘yan siyasa da daukan nauyin ta'adancin dan bata sunan Fulani -Oladimeji Odeyemi

Litinin, Janairu 22, 2018 at 8:46 Yamma daga Mudathir Ishaq 2 - tsawon mintuna

- Kwamared Oladimeji Odeyemi ya ce za a iya kawo karshen rikicin makiyaya da manaoma a Najeriya inda aka daina siyasantar da al'amarin

- Oladimeji ya ce yana zargin wasu 'yan siyasa da daukan nauiyn bata sunan al'umman Fulani

Kwamared Oladimeji Odeyemi, jagoran kungiyoyin dake fafutika da yaki ta’adanci a Najeriya (COCSAT) ya tofa albarkacin bakin sa akan kashe-kashen da ake zargin makiyaya Fulani da yi.

Da aka tambaye shi akan yanayin tsaro a kasar, Oladimeji Odeyemi yace shugaban kasa, Muhammadu Buhari, mutum ne da yayi alkawarin kare rayuka da dukiyoyin al’umma Najeriya kuma yana iya kokarin sa a wannan fannin.

Oladimeji Odeyemi ya jajantawa mutanen jihar Benuwe akan kashe masu ‘yan uwa da abokan arziki da aka yi.

Kashe-kashen Makiyaya : Ina zargin wasu ‘yan siyasa da yunkurin bata suna Fulani -Oladimeji Odeyemi

Odeyemi, ya ce akwai rashin gaskiya dangane da kashe-kashen da ake zargin makiyaya Fulani suna yi s kasar. "Ina da tabbacin cewa akwai wasu ‘yan siyasa dake yunkirn bata sunan kabilan Fulani a fadin kasar.

KU KARANTA : ‘Yan Najeriya miliyan 7.5m ne basu da aiki yi tun daga shekara 2016 - Hukumar NBS

“Ni bayarabe ne amma bazan taba barin wani ya danganta duka ‘yan kabila na da ta’adanci ba.

A lokacin da ake ta cecekuce akan kashe-kashen da ake zargin makiyaya Fulani sun yi, kada mutane su manta suma Fulanin an ka kashe musu 'yan uwa a jihar Taraba, Katsina ,Zamfara da Birnin Gwari a Kaduna tare da sace shanu.

Oladimeji ya ce, matakin farko na magance matsalar makiyaya da manoma a kasar shine a daina siyasantar da al’amarin, mataki na biyu kuma shine inganta fannin tsaro a kasar.

Ya kuma shawarci ‘yan Najeriya da su yi amfani da damar babban zaben da za gudanar a 2019 su zabi shugabanni masu adalci.

Idan ka na da wani shawara ko bukatan bamu labari, tuntube mu a labaranhausa@corp.legit.ng

Latsa Wannan: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng