Labarai

Dutse: Gobarar wuta ta halaka yara 4 ‘yan gida daya a Jigawa

Litinin, Janairu 22, 2018 at 11:48 Safiya daga Mudathir Ishaq 2 - tsawon mintuna

- Gobarar wuta ta yi sanadiyar mutuwar yara 4 ‘yan gida daya a Jigawa

- Kakakin hukumar tsaro ta sibil difens ya bayyana cewa ƙyallen wuta daga na'urar lantarki ya haifar da gobarar

- Kakakin ya ce lamarin ya faru ne a garin Hadeja a ranar 20 ga Janairu a misalin karfe 10:45 na dare

Wani mumunar gobarar wuta ta kashe wasu tagwaye uku tare da ɗan'uwansu a garin Hadejia da ke jihar Jigawa.

Mai magana da yawun hukumar tsaro ta sibil difens reshen jihar Jigawa, Mista Adamu Shehu, a ranar Litinin, 22 ga watan Janairu ya bayyana hakan.

Shehu ya bayyana cewa ƙyallen wuta daga na'urar lantarki ya haifar da wannan mumunar gobarar wutar.

Dutse: Gobarar wuta ta halaka yara 4 ‘yan gida daya a Jigawa — Gobarar wuta

Ya ba da sunayen tagwayen uku a matsayin, “Hassan Sale, Hussain Sale da Muhusin Sale masu shekaru biyar da haihuwa da kuma ɗan'uwansu, Aliyu Sale mai shekaru 2, dukkanin su iyali daya”.

KU KARANTA: Wuta ta cinye shaguna 50 da kwantenan kifi 30 a Kano

Ya ce wannan lamarin ya faru ne a gidan Alhaji Sale Tela na Tudun Tanda a garin Hadeja a ranar 20 ga Janairu a misalin karfe 10:45 na dare.

Kakakin ya shawarci jama'a su yi taka tsantsan yayin da suke amfani da kayan lantarki, musamman a lokacin hunturu saboda kaucewa gobarar wuta.

Idan ka na da wani shawara ko bukatan bamu labari, tuntube mu a labaranhausa@corp.legit.ng

Latsa Wannan: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng