Labarai

Wutar lantarki ta aika da wani mutumi lahira yayin da yake kokarin satar wayoyin lantarki

Alhamis, Janairu 18, 2018 at 3:16 Yamma daga Mudathir Ishaq 1 - tsawon mintuna

- Ya mutu a wulakance a kan falwayar wuta a garin Jos

- Ya gamu da ajalinsa ne a lokacin da yayi yunkurin satar wayar wuta

Wani barawon wayoyin wutan lantarki ya gamu da ajalinsa a daren Alhamis, 18 ga watan Janairu sanadiyyar wutan lantarki daya shafe shi a kan falwa, a unguwar Bukuru, garin Jos inji rahoton TVC.

Barawon da ba’a bayyana sunansa ba ya mutu ne sa’adda ya hau kan falwaya, don ya cire wasu wayoyi da na’urorin daga cikin tiransifoma dake sama, amma abinka da ajali, idan yayi kira, ko ba dalili sai anje, kwatsam sai aka samu akasi, wutar ta shafe shi, nan da nan ya mutu.

KU KARANTA: Yansanda sun damƙe matar da ta yanka boyi boyin gidanta a Ogun

Majiyar Legit.ng ta ruwaito da kyar jama’a suka kwanto gawarsa daga saman, saboda wutar ta makalar da shi tun a cikin dare, har sai da safiyar Alhamis din aka sako shi, wanda hakan yayi sanadiyyar dauke wuta a unguwar.

Wutar lantarki ta aika da wani mutumi lahira yayin da yake kokarin satar wayoyin lantarki — Barawon wayoyin lantarki

Majiyar ta ruwaito jama’an unguwar suna kokawa kan yawan sace sacen na’urorin lantarki daya yawaita a unguwar, don haka ne ma suka mayar da Tiransifomar tasu sama, amma duk da haka basu sha ba.

Ku biyo mu a https://www.facebook.com/naijcomhausa

ko a http://twitter.com/naijcomhausa

KU LATSA: Hanyar sauko da sabuwar manhajar jaridar Legit.ng Hausa cikin sauki

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng