Mabiya akidar shi’a sun ƙirƙiro sabon salon yin mubaya’a ga Ibrahim El-Zakzaky
Wata sabuwa Inji yan caca, a nan ma wani sabon salon nuna kauna tare da nuna ana tare ga shugaban kungiyar yan shi’a na kasa Ibrahim Zakzaky ne mabiyansa suka kirkiro.
Wani ma’abocin kafar sadarwar zamani ta Facebook, kuma babban mawallafin labaru a yanar gizo, Jaafar Jaafar ne ya bayyana hakan a shafinsa, inda ya tuna baya a zamanin yana yaro.
KU KARANTA: Gwamnati ta yi rusau a gidan Uwargidar tsohon shugaban kasa Goodluck Jonathan
Wannan sabon salo kuwa shine yadda wasu yan shi’a suka tsiri sanyan makarin wuya, irin wanda shugabansu Ibrahim Zakzaky ya sanya a fitowarsa ta farko tun bayan da aka daure shi a shekarar 2015, inda ya gana da manema labaru.
Legit.ng ta ruwaito yadda mawallafin ke dangantan sabon salon yan shi’an ga addu’ar nan da ake yi do tsorata kananan yara idan suna kwaikwaiyan marasa lafiya ko kuma mahaukaci ‘Allah ya mai da koko masaki’.
Daga karshe mawallafin ya nuna rashin dacewar yin hakan, musamman idan da gaske suke na ganin an sako musu jagoransu.
Idan za’a tuna a ranar asabar 13 ga watan Janairu ne dai hukumar tsaro ta sirri DSS ta baiwa Zakzaky damar ganawa da menema labaru,inda ya tabbatar ma duniya cewar lafiyanshi kalau, ba kamar yadda wasu ke yayatawa ba.
Ku biyo mu a https://www.facebook.com/naijcomhausa
ko a http://twitter.com/naijcomhausa
KU LATSA: Hanyar sauko da sabuwar manhajar jaridar Legit.ng Hausa cikin sauki
Ga masu shawara ko korafi, a same mu a labaranhausa@corp.legit.ng
Asali: Legit.ng
