Siyasa

Zabe: APC ta ki amince da sakamakon zaben kananan hukumomin Delta

Litinin, Janairu 08, 2018 at 9:40 Safiya daga Mudathir Ishaq 2 - tsawon mintuna

- PDP ta lashe 23 daga cikin 25 na kananan hukumomin jihar Delta a zaben da aka gudanar a ranar Asabar

- APC ta ce ba ta amince da sakamakon zaben ba saboda an tafka babban magudi

- Shugaban hukumar zabe a jihar ya ce an jinkirtar da zabe a kananan hukumomin biyu saboda rikicin da ya barke a yankunan

Babban jam'iyyar adawa ta PDP ta lashe 23 daga cikin 25 na kananan hukumomin jihar Delta a zaben da aka gudanar a ranar Asabar da ta gabata a fadin jihar.

Kamar yadda Legit.ng ke da labari , shugaban hukumar zabe mai zaman kanta a jihar Delta (DSIEC), Mike Ogbodu, ya sanar da sakamakon zaben a ranar Lahadi a Asaba, babban birnin jihar.

Ya ce an jinkirtar da zabe a kananan hukumomin Ethiope ta gabas da Ughelli ta arewa, saboda rahotanni game da tashin hankalin da ya haifar da konewar ofishin DSIEC a Ughelli.

Zabe: APC ta ki amince da sakamakon zaben kananan hukumomin Delta — Katunan zabe

Ya ce za a sake gudanar da zabe a wadannan kananan hukumomin biyu a Janairu 9, 2018.

KU KARANTA: Zaben 2019: Takarar shugabancin kasa ta Gwamna Dankwambo ta kara samun tagomashi

Ogbodu ya ce jam'iyyar ta PDP ta kuma lashe kujerun kansiloli 424 a fadin jihar, inda ya kara da cewa 'yan takara 59 na PDP sun dawo ba tare da wata amayya ba.

Ya kuma bayyana cewa ba a kada kuri'a na kansila ba a Ward 2 da Ward 4 a yankin karamar hukumar Oshimili ta arewa.

Ya ce ba a gudanar da zabe a wuraren biyu ba saboda hukuncin kotu, wanda ta hana gudanar da zaben.

A cewarsa, jam'iyyar APC ta lashe zaben kansila guda daya tak a Ward 2, a yankin karamar hukumar Aniocha ta arewa.

Duk da haka, jam’iyyar APC a jihar ta ki amince da sakamakon zaben, ta ce an tafka babban magudi.

Shugaban jam’iyyar APC a jihar, Mista Jones Erue, ya bayyana matsayin jam'iyyar a wata sanarwa da aka bayar ga manema labarai ranar Lahadi a Asaba.

Idan ka na da wani shawara ko bukatan bamu labari, tuntube mu a labaranhausa@corp.legit.ng

Latsa Wannan: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng