Labarai

Hotuna: An gudanar da wani biki na nishadi a Maiduguri

Alhamis, Janairu 04, 2018 at 7:17 Yamma daga Mudathir Ishaq 2 - tsawon mintuna

- An gudanar da wani taro domin nishadi a Maiduguri

- Taron manuniya ce a kan irin cigaban da aka samu ta fannin tsaro a garin

- An gudanar da taron ne ranar biyu ga watan Janairu

Wasu matasa, Maza da Mata, sun gudanar da wani taro a garin Maiduguri domin kawai su yi nishadi. Matasan sun gudanar da taron ne ranar Talata, 2 ga watan Janairu, 2018.

Hotuna: Matasa sun gudanar da wani biki na nishadi a Maiduguri — Matasa sun gudanar da wani biki na nishadi a Maiduguri

Wannan taro na matasa tamkar ma'auni ne na dawowar zaman lafiya a garin na Maiduguri da ya dade yana fama da hare-haren ta'addanci daga mayakan kungiyar Boko Haram.

DUBA WANNAN: Dubi dumbin dukiyar da aka kwato daga hannun shugaban kungiyar matsafa a Legas

Da yake yada hotunan a dandalin sada zumunta, mai taimakawa shugaban kasa a bangaren yada labarai ta kafafen sada zumunta, Bashir Ahmad, ya bayyana cewar shekaru uku da suka wuce babu wanda zai iya fitowa koda kofar gidansa ne da sunan yin nishadi balle har a yi taron gangami domin kawai a yi nishadi, a ci, a sha, sannan kuma a dauki hotuna.

Bashir ya mika godiya ga shugaba Buhari bisa namijin kokarin da ya yi wajen dawowa da mutanen Maiduguri 'yancinsu na yin rayuwa ba tare da tsoron wani ko wata kungiya za ta kai masu hari ba. Kazalika ya yi jinjina ga shugaban rundunar sojojin kasa, Tukur Buratai, da kuma dakarun soji da suka sadaukar da rayuwar su domin tabbatar da zaman lafiya a jihar Borno da yankin arewa maso gabashin Najeriya.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng