Labarai

Ministan tsaron na Nijar ya ce an murkushe Boko Haram a kewayen Tafkin Chadi

Alhamis, Janairu 04, 2018 at 12:19 Yamma daga Mudathir Ishaq 2 - tsawon mintuna

- Ministar Tsaro na Nijar yace dakarun hadin sun murkushe mayakan kungiyar Boko Haram

- Kalla Mukhtari ya ce har yanzu akwai dakarun sojojin Amurka da Faransa a Nijar

- Mukhtari ya ce kasar Nijar da Italiya sun fara karfafa huldar diflomasiya a tsakaninsu tsakanin su

Ministan tsaro na jamhuriyyar Nijar, Kalla Mukhtari, yace dakarun hadin gwiwa na kasashen yankin tafkin Chadi sun samu nasarar murkushe mayakan kungiyar Boko Haram a kewayen tafkin da sassan garin Diffa.

Kalla Mukhtari, ya bayyana haka ne birnin Niamey a taron manema labaru da ya kira gabanin shiga shekara 2018.

Minista yace har yanzu akwai yan fashi da makami da suke labewa a yankin Diffa domin yiwa mutane kwace.

Ministan tsaron na Nijar ya ce an murkushe Boko Haram a kewayen Tafkin Chadi

Ya ce za'a kawo karshen sa a wannan sabuwar shekarar kamar yadda mayakan Sahel suka fara daidaita al'amura a kan iyakar kasar sa da Mali.

KU KARANTA : Isra'ila ta bai wa 'yan Afirka wa'adin kwana 90 su bar kasar ko a daure su

Da aka tambaye shi akan batun girke dakarun sojojin kasashen waje a cikin kasar Nijar, Ministan ya ce har yanzu dakarun Amurka da Faransa kawai suke da sansanoni a kasar.

Da aka kara tambayar sa akan yunkurin kafa sansanin yaki da ta'addanci da dakile hanyar da bakin haure ke bi zuwa Turai da kasar Italiya ta ke shirin yi a Nijar, Ministan ya ce maganar ba ta taso ba.

Ya ce yanzu ne ma kasashen biyu ke kokarin karfafa huldar diflomasiya tsakaninsu

Idan ka na da wani shawara ko bukatan bamu labari, tuntube mu a labaranhausa@corp.legit.ng

Latsa Wannan: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng