Labarai

Fitattun 'yan Nigeria da suka mutu a 2017

Talata, Janairu 02, 2018 at 11:27 Safiya daga Mudathir Ishaq 2 - tsawon mintuna

- Legit.ng ta kawo muku jerin sunayen fitattun yan Najeriya da suka mutu a shekara 2017

- A cikin su akwai sarkuna, yan kasuwa da fitattun yan siyasar Najeriya

Ahmadu Chanchangi

Shaharrren dan kasuwa kuma shugaban kamfanin jiragen sama na Chanchangi Airlines, Alhaji Ahmadu Chanchangi, ya rasu a watan Afrilu.

Maragayi, Alhaji Ahmadu Chanchangi, ya rasu ya bar mata biyu, ‘ya’ya 33 a cikin su har da dan majalisar waikilai daga jihar Kaduna.

Fitattun 'yan Nigeria da suka mutu a 2017

Danbaba Suntai

Danbaba Suntai, tsohon gwamnan jihar Taraba ne wanda ya rasu watan Yuni bayan ya shafe shekaru hudu yana jinya bayan yayi hatsari a cikin jirgin saman da yake tukawa da kan sa. Ya rasu yana da shekaru 56.

Yusuf Mataima Sule

A watan Yuli Allah yayiwa, Alhaji Yusuf Maitama Sule, Dan masanin Kano rasuwa a wani asibiti a kasar Masar. Dan Masani ya rasu yana da shekaru 88.

KU KARANTA : Zanga-zangar Kasar Iran : Abun da muka sani

Marigayi, Maitama Sule, Shahararren dan siyasa ne a Najeriya wanda ya taba rike mukamin minista a jamhuriyya na farko da kuma jakadan Majalissar Dinkin Duniya UN.

Dakta Alex Ifeanyichukwu Ekwueme

Tsohon mataimakin shugaban kasar Najeriya a Jamhuriyya ta biyu,Dakta Alex Ifeanyichukwu Ekwueme ya rasu a watan Nawumba a wani asibiti dake birnin London. Ya rasu yana da shekaru 85.

Kasimu Yero

Kasimo Yero, Shahararren dan wasan kwaikwayo ne dake yin fina-finan Hausa da na Turanci, ya rasu a Kaduna a watan Satumba. Marigayi Kasimo Yero ya rasu yana mai shekaru 70 bayan yayi doguwar jinya.

Sarkin Katagum, Kabir Umar

Sarkin Katagum Alhaji Kabir Umar ya rasu a watan Disamba bayan yayi jinya a Asibiti. Ya rasu ne a garin Azare jihar Bauchi. Sarkin ya rasu yana da shekaru 89.

Gidado Idris

Gidado Idris, tsohon sekatare gwamnatin Najeriya a lokacin mulkin janar ,Sani Abacha, ya rasu a watan Disamba yana mai shekaru 82.

Ya yi karatu a Najeriya da Ingila, kuma ya rike mukamin Sakatare na Musamman ga marigayi Ahmadu Bello, Sardaunan Sokoto.

Idan ka na da wani shawara ko bukatan bamu labari, tuntube mu a labaranhausa@corp.legit.ng

Latsa Wannan: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng