Fitattaun jarumai 5 da suka girgiza masana'antar Kannywood a 2017

Litinin, Disamba 18, 2017 at 7:20 Yamma daga Mudathir Ishaq 2 - tsawon mintuna

A dukkan sana'a da ma sauran fannoni na rayuwa za mu samu cewa a kwai wadanda Allah ya yarjemawa suka fice suka zarta sauran daga lokaci-zuwa lokaci.

To haka lamarin yake ma a masana'antar shirya fina-finan Hausa da akeyiwa lakabi da Kannywood inda a kowace shekara akan samu cewa wasu jaruman sukan zarta wasu wajen taka muhimmiyar rawa.

Legit.ng ta yi duba na tsanaki sannan ta zakulo wadanda take ganin kusan a iya cewa shekarar nan ta 2017, ta su ce duba da irin tadda tauraruwar su ta haskaka sosai.

1. Rahma Sadau

Ko shakka babu wannan jarumar ta taka muhimmiyar rawa a masana'antar ta Kannwood duk kuwa da kasancewar ta a matsayin korarriya.

Fitattaun jarumai 5 da suka girgiza masana'antar Kannywood a 2017

A cikin shekarar ne dai jarumar ta taka rawa a fina-finai kamar haka: "Ajuwaya," "Hakkunde," sai wasu na turanci irin su "Accidental Spy," "Tatu" da kuma EbonyLife har da "Sons of the Caliphate." Haka nan kuma jarumar ta fitar da fim din ta na farko mai suna 'Rariya'.

2. Maryam Yahaya

Jarumar dai da ke matsayin bakuwar fuska ta taka muhimmiyar rawa ne a cikin fim din nan da ya shahara watai 'Mansoor' inda saboda haka ne ma har tauraruwar ta ta fara haskawa sosa.

3. Ali Nuhu

Hakika idan dai ana maganar bango abun jingina ga dukkan masu sana'ar fim din Hausa, to dole ne a fadi sunan Ali Nuhu saboda irin rawar da ya dade yana takawa a masana'antar.

Wasu daga cikin fina-finan da ya yi a 2017 sun hada da: "Ojukokoro," "Banana Island Ghost" da kuma "Hakkunde." Sannan kuma ya shirya fim din 'Mansoor'.

4. Maryam Booth

Ita ma dai wannan jarumar duk da ba'a fiya ganin ta ba a cikin fina-finan da yawa ba a halin yanzu amma ta samu nasara sosai a shekarar 2017.

Wasu daga cikin fina-finan da ta yi sun hada da: "Rariya,""Hakkunde," da kuma "Sons of the Caliphate."

5. Yakubu Mohammad

Shi ma dai wannan jarumin ya taka muhimmiyar rawa a fina-finai da dama a shekarar nan ta 2017 ba ma na Hausa ba kadai har ma da na kudancin kasar nan inda kuma yayi fice sosai.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da Kuma Tuwita: http://twitter.com/naijcomhausa

KU LATSA: Sabuwar hanyar karanta labarain Legit.ng HAUSA

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng