Labarai

Saki ko cigaba da dauri: Kotun Allah-ya-isa zata yanke hukunci kan Dasuki 2 ga watan Maris

Alhamis, Disamba 07, 2017 at 6:10 Yamma daga Mudathir Ishaq 2 - tsawon mintuna

Babbar kotun kolin tarayyar Najeriya da akan yi wa lakani da kotun Allah-ya-isa ta sanar da 2 ga watan Maris a matsayin ranar da zata yanke hukuncin da tsohon mai baiwa tsohon shugaban kasa Jonathan shawara game da harkokin tsaro Kanal Sambo Dasuki mai ritaya bisa ga cigaba da tsare shin da ake yi ba a bisa ka'ida ba.

Gungun alkalai na mutum biyar ne dai karkashin jagorancin babban alkali Dattijo Mohammed ne suka sanar da ranar ga dukkan bangarorin da shari'ar ta shafa bayan da suka kammala saka ranar.

Saki ko cigaba da dauri: Kotun Allah-ya-isa zata yanke hukunci kan Dasuki 2 ga watan Maris

KU KARANTA: Karin kudin mai: Gwamnatin tarayya tayi karin bayani

Legit.ng dai zata iya tuna cewa tsohon mai baiwa shugaban kasar shawara Kanal Dasuki a ranar 15 ga watan Junin shekarar da ta gabata ta 2016 ya fadi warwas a kotun daukaka karar dake a garin Abuja bayan da ya bukaci a tursasawa shugaba Buhari ya sake shi.

Haka ma dai mai sauraro zai iya tuna cewa ana cigaba da tsare mai ba shugaban kasar shawara ne dai bisa ga umurnin gwamnatin tarayya biyo bayan tuhumar sa da ake yi da laifin yin facaka da kudaden kasa da suka tasar ma dala biliyan 2.1 na sayen makamai.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da

Kuma Tuwita: http://twitter.com/naijcomhausa

KU LATSA: Sabuwar hanyar karanta labarain Legit.ng HAUSA

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng