Labarai

Yan daukar amarya 30 sun gamu ajalin su a jihar Sokoto

Laraba, Oktoba 25, 2017 at 9:44 Safiya daga Mudathir Ishaq 1 - tsawon mintuna

Labaran da muke samu da dumi dumin sa na nuna mana cewa kimanin yan daukar amarya 30 ne suka gamu da ajalin su a jihar Sokoto ta sanadiyyar wani mummunan hadarin moto a kan hanyar su ta zuwa Kware daga Gwadabawa.

Kamar dai yadda muka samu labarin, hadarin ya auku ne a tsakanin wata babbar mota da kuma wata motar alfarma kirar kirar Toyota Spora wadda take shake da yan daukar amarya da amaryar kanta kimanin karfe 8 na safe a ranar Lahadin da ta gabata.

Yan daukar amarya 30 sun gamu ajalin su a jihar Sokoto

KU KARANTA: Auren yan fim 6 ya mutu a wannan shekarar

Legit.ng ta samu dai cewa wani ganau ya shaidawa majiyar mu yadda abun ya faru inda ya bayyana cewa tayar babbar motar ce ta fashe inda tayiyo kan motar alfarmar dauke da yan daukar amaryar ta kuma latse ta.

To sai dai da aka tuntubi jami'in hukumar kiyaye hadurra ta kasa shiyyar jihar Aliyu Kanya ya bayyana cewa matsanancin gudu ne ya jawo hadarin kuma rayuka 20 ne suka salwanta yayin da wasu 12 suka ji munanan raunuka.

Idan ka na da wani shawara ko bukatan bamu labari, tuntube mu a labaranhausa@corp.legit.ng Ku ci gaba da bin mu a Facebook: https://www.facebook.com/naijcomhausa da Kuma Tuwita: http://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng