Labarai

Duk nisan jifa, ƙasa zata faɗo: An bankaɗo wani sansanin Sojojin gona a jihar Benuwe

Laraba, Satumba 27, 2017 at 11:24 Safiya daga Mudathir Ishaq 1 - tsawon mintuna

Rundunar Sojin ruwa ta yi ma wasu Sojojin gona diran mikiya yayin da suke gudanar da atisaye a garin Opokgu dake jihar Benuwe, kamar yadda Legit.ng ta jiyo.

Wadannan Sojin bogi masu suna ‘Costal Defence Force, 4th Arms Signal Ship Base operating’, wato Sojojin ruwa na musamman, kamar yadda suka bayyana kansu, suna zambatar samari ne da nufin shigar dasu aikin Soji.

KU KARANTA: Rikici akan shanu ya sanya wani Bahillace ya datse kan abokinsa

Sai dai jami’an Sojin ruwan Najeriya sun samu rahoton ayyukan matasan, inda suka kai samame a sansanin su, suka kuma samu sa’ar kama katta 24 da shekarunsu bai gaza 24 ba.

Duk nisan jifa, ƙasa zata faɗo: An bankaɗo wani sansanin Sojojin gona a jihar Benuwe — Sansanin Sojojin gona a jihar Benuwe

Yayin samamen, Sojojin sun kama matasan ne sanye cikin Khakin Soja, sa’annan suna dauke da bindigu, yayin da sauran ke dauke da adduna da wukake.

Bugu da kari Sojojin Najeriya sun gano wasu manyan hotunan shugaban kasa Muhammadu Buhari, da na gwamnan jihar Benuwe, Samuel Ortom da kuma hotunan wasu manyan Sojojin bogin.

Ku biyo mu a https://www.facebook.com/naijcomhausa

ko a http://twitter.com/naijcomhausa

Ga masu shawara ko korafi, a same mu a labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng